اماوس کی کالی سیاہ رات
۔۔۔۔۔۔۔۔۔ سخت سرد ترین دنوں میں سے ایک دن ۔۔۔۔۔۔۔ اور راج کوٹ شہر کی
سنسان گلیوں سے گزرتی بگھی ۔۔۔۔۔۔۔۔۔ کوچوان کے علاوہ دو نفوس ایک تقریباً
پانچ سال کی بچی اور ایک مرد پیچھے بیٹھے ہوئے تھے ۔۔۔بچی تو سو چکی تھی
۔۔۔۔۔۔۔۔۔ مگر ساتھ بیٹھا شخص جاگ رہا تھا ۔۔۔۔۔۔۔۔۔۔ بار بار آنکھوں کو
رگڑ رہا تھا ۔۔۔۔۔۔ مگر کمبخت پھر پانی سے بھر جاتیں ۔۔۔۔ بارہا دل میں
خیال آرہا تھا کے آدھے راستے سے ہی لوٹ جائے لیکن پھر دوسال کے اپنے جڑواں
بچوں کی شکلیں نظروں میں گھوم جاتیں ۔۔۔۔ اور وہ دل مسوس کر رہ جاتا
۔۔۔۔۔۔۔۔۔۔۔ سارا راستہ وہ اپنی پھول سی گڑیا کو نظر بھر کر دیکھنے سے
کتراتا رہا ۔۔۔۔۔۔۔۔۔۔ اس کی طرف دیکھ لینے سے کہیں اس کا ارادہ ڈانوا ڈول
نہ ہوجائے ۔۔۔۔۔۔۔۔ وہ اس کی چہیتی بیٹی تھی ۔۔۔۔۔۔۔۔۔ پہلی سرتان ۔۔۔۔۔۔
پاروتی کی لاڈلی اور اس کی آنکھوں کا تارا ۔۔۔۔۔۔۔۔ مگر آج وہ اپنے دونوں
بیٹوں پر اپنی پھول سی بچی قربان کرنے چلا تھا ۔۔۔۔۔۔۔ جسے دیکھے بغیر وہ
سوتا نہیں تھا ۔۔۔۔۔۔۔ جیسے ہی وہ تھکا ہارا کام سے لوٹ تا وہ بھاگ کر اس
کے لئے پہلے پانی کٹورے میں لاتی تھی ۔۔۔۔۔۔ اور پھر اس کے چرن چھوتی تھی
۔۔۔۔۔ پورا وقت اس کے آگے پیچھے گھومتی ۔۔۔۔ وہ بستر پر لیٹ جاتا تو اس کے
پیر اپنے چھوٹے چھوٹے ہاتھوں سے دباتی ۔۔۔۔۔
ارے بس کر منی ۔۔۔۔۔۔۔۔۔۔ میری عادتیں تو نہ بگاڑ ۔۔۔۔۔۔۔۔۔۔ اور تیرے یہ
ننے ننے ہاتھ درد ہوجائینگے ۔۔۔۔۔۔
پتا جی ۔۔۔۔۔۔۔۔ مجھے اچھا لگتا ہے ۔۔۔۔۔۔۔۔۔۔۔
کیا اچھا لگتا ہے ۔۔۔۔۔۔۔۔۔۔
وہ پیار سے اس سے پوچھتا ۔۔۔۔۔۔
آپ کی سیوا کرنا ۔۔۔۔۔۔۔۔۔۔۔
ارے بٹیا تو تو میری عادتیں خراب کردیگی ۔۔۔۔۔۔۔۔۔۔
وہ محبت سے اسے پھر گلے لگا لیتا ۔۔۔۔۔۔۔۔۔۔۔۔۔۔۔۔۔ مگر آج اسی پیاری سی
بٹیا کو اس شیطان کے حوالے کرنے جا رہا تھا ۔۔۔۔۔۔۔۔۔۔۔۔ جس نے اسے یقین
دلایا تھا کہ وہ سایا کوشلیا کو کوئی نقصان نہیں پہنچائے گا ۔۔۔۔ مگر وہ اس
کی بیٹی کو اپنے ساتھ لے جانا چاہتا ہے اور اگر اس کی بات پر عمل نہ ہوا تو
اس کے دونوں بیٹے اس سائے کے انتقام کا نشانہ بن سکتے ہیں ۔۔۔۔۔۔۔۔۔۔۔۔
وہ اپنے دوست کے ساتھ جب واپس اپنے شہر لوٹا تو سب سے پہلے ہنومان کے مندر
گیا تھا ۔۔۔۔۔۔۔۔۔۔۔۔۔۔۔ پوجا کے لئے ۔۔۔۔۔۔۔۔۔۔ گڑ گڑا کر پراتھنائیں کی
تھیں ۔۔۔۔۔۔۔۔۔۔۔۔ اپنے تینوں معصوم بچوں کے لئے ۔۔۔۔۔۔۔۔۔۔ پھر سیدھا
ہسپتال گیا تھا ۔۔۔۔۔۔۔۔۔۔۔ اور وہاں اس نے پہلی بار اس سائے کو دیکھا تھا
۔۔۔۔۔۔۔۔۔۔۔ دولت مند شخص تھا اس لئے بچوں پر خصوصی توجہ دی جارہی تھی
۔۔۔۔۔۔ پرائیویٹ وارڈ تھا ۔۔۔۔۔۔۔۔۔ ایک نرس مسلسل بچوں کی حالت کی
مانیٹرنگ کر نے کے لئے موجود تھی ۔۔۔۔۔۔ لیکن جب وہ وارڈ میں داخل ہوا تھا
تب نرس کو نیچے بچوں کے بیڈ کے پاس بیہوش پڑے پایا ۔۔۔۔۔۔ اور ایک کالا
دھواں سا بچوں کے بیڈ کے تین فٹ اوپر معلق دیکھا ۔۔۔جو تیزی سے ایک ہی
دائرے میں حرکت کر رہا تھا ۔۔۔۔۔۔ بچوں کو مرگی کی طرح کے جھٹکے پڑھ رہے
تھے ۔۔۔وہ یہ دیکھ کر کافی خوفزدہ ہوگیا تھا ۔۔۔۔ اور پھر دیکھتے ہی دیکھتے
وہ دھواں غائب ہوگیا تھا ۔۔۔۔۔۔ اور بچوں کا مرگی کا دورہ بھی ختم ہوگیا
۔۔۔۔۔۔۔۔۔۔۔۔۔۔ چند لمحوں کا کھیل تھا ۔۔یہ سب اپنی آنکھوں سے دیکھ کر اسنے
کالی داس کی باتوں پر عمل کرنے کا ارادہ کر لیا تھا ۔۔۔۔۔۔۔۔۔ اور اب وہ
راج کوٹ کالی داس کی ہدایت کے مطابق پہنچ گیا تھا اپنی بیٹی کوشلیا کے ساتھ
۔۔۔۔۔۔۔۔۔۔
رامو ۔۔۔ یہیں روک دو ۔۔۔۔۔۔۔۔۔۔
اس کی بات پر کوچوان نے گھوڑے روک دئیے ۔۔۔۔۔۔۔۔۔۔
کوشلیا اٹھو بٹیا ۔۔۔۔۔۔۔۔۔۔۔
پتا جی مندر کہاں ہے ۔۔۔۔۔۔۔۔۔۔۔۔۔۔۔
مندر پیدل چل کر جانا پڑے گا منی ۔۔۔۔۔۔۔۔۔
شہر سے باہر سنسان جگہ پر جب بگھی رک گئی تو اس نے بے خبر سوتی معصوم
کوشلیا کو اٹھا یا تھا ۔۔۔۔۔۔۔
مندر تو ہم گھوڑا گاڑی میں بھی جاسکتے ہیں نا ۔۔۔۔۔۔۔۔۔۔
نہیں بٹیا ۔۔۔۔۔۔۔۔۔ آگے راستہ خطرناک ہے ۔۔۔۔۔۔۔۔۔اسلئے پیدل ہی جانا ہوگا
۔۔۔۔۔۔۔۔۔۔
اس کے پوچھنے پر ۔۔۔۔۔ وہ اس سے بولا تھا ۔۔۔۔۔۔۔۔۔۔۔
تم یہیں رکو میں آتا ہوں ابھی ۔۔۔۔۔
کوچوان کو ہدایت دیتا ہوا وہ کوشلیا کا ہاتھ تھامے اندھیرے میں ڈوبی اس پگ
ڈنڈی پر چلنے لگا جو کالی داس کے بڑے سے آشرم سے ہوتی ہوئی گزرتی تھی
۔۔۔۔۔۔۔۔۔ تقریباً بیس منٹ کا راستہ تھا مگر اسے یہ بیس منٹ گھنٹوں کے
برابر لگ رہے تھے ۔۔۔۔۔۔۔۔۔۔
پتا جی ۔۔۔۔۔۔۔۔۔۔۔
آں ہاں بولو ۔۔۔۔۔۔۔۔۔
جب مندر پہنچ جائینگے نا تو میں بھگوان سےخوب پراتھنا کرونگی وشنو اور شیوا
کے لئے ۔۔۔۔۔۔ دیکھنا بھگوان کیسے انہیں ٹھیک کردینگے ۔۔۔۔۔۔۔۔۔
وہ اس کی معصوم بات سن رہا تھا ۔۔۔۔ جو دل پر ہتوڑے کی طرح لگ رہی تھی
۔۔۔۔۔۔۔۔۔
پھر میں انہیں اپنے سارے کھلونے دے دونگی ۔۔۔۔۔۔۔۔۔ وہ چابی والا بندر اور
بھالو بھی پتا جی ۔۔۔۔۔۔ میں تو اب بڑی ہوگئی ہوں نا ۔۔۔۔۔۔۔۔۔۔۔
وہ اندھیرے میں چلتے چلتے رک گیا تھا ۔۔۔۔۔۔۔۔۔۔۔ اور جھک کر اپنی بٹیا
رانی کو گود میں اٹھا لیا ۔۔۔۔ اور اسے اپنے سینے سے لگائے رونے لگا تھا
۔۔۔۔۔۔۔۔ اسے اپنی بیٹی سے اپنے دونوں بیٹوں سے زیادہ پیار تھا لیکن وہ
کتنا مجبور ہوگیا تھا ۔۔۔۔۔
پتا جی آپ رو کیوں رہے ہیں ۔۔۔۔۔۔۔۔۔۔
وہ اس کے رونے پر پریشان ہوگئی تھی ۔۔۔۔۔۔۔ اور اپنے ننے ہاتھوں سے اس کا
چہرا تھامے پوچھنے لگی ۔۔۔۔۔
کچھ نہیں منی بس ایسے ہی ۔۔۔۔۔۔۔۔۔ تمہاری ماں یاد آگئی ۔۔۔۔۔۔۔۔۔۔۔
اس کی بات سن کر پھر کچھ بولی نہیں بس باپ کا ماتھا چوما تھا ۔۔۔۔۔۔۔۔۔۔۔
وہ اسے پھر گود میں اٹھائے چلنے لگا تھا ۔۔۔۔۔۔۔۔۔ اس شیطان کے آشرم میں
تیس منٹ بعد پہنچ گیا تھا ۔۔۔۔۔۔۔۔ اسے نا جانے کیوں ایسا لگا جیسے اس کا
انتطار کیا جارہا ہو ۔۔۔۔۔۔۔۔ موٹے سے لمبے چوڑے دربان نے اس کے آہنی گیٹ
پر پہنچتے ہی گیٹ کھول دیا تھا ۔۔۔۔۔۔۔۔ اور ایک زرد کپڑوں میں ملبوس دبلی
پتلی سی عورت نے اسے نمستے کرتے ہوئے اپنے ساتھ اندر چلنے کا اشارہ کیا تھا
۔۔۔۔۔۔۔ وہ چپ چاپ اس کے پیچھے چلتا ہوا اسی ہال نما کمرے میں پہنچ گیا
۔۔۔۔۔۔۔۔۔ جہاں کالی داس اسی طرح کالی کی مورتی کے سامنے دوزانو بیٹھا اور
آنکھیں بند کئے منتر پڑھ رہاتھا ۔۔۔۔۔۔۔ البتہ ہال کے عین وسط میں لکڑیوں
سے الاؤ دھک رہا تھا ۔۔۔۔۔۔۔۔۔ جس کے چاروں طرف سفید اور لال رنگولی کے
رنگوں سے دائرہ سا بنا ہوا تھا ۔۔۔۔۔۔۔۔
آؤ رام دیال آؤ ۔۔۔۔۔۔۔۔۔
پرنام گرو جی ۔۔۔۔۔۔۔۔۔۔۔
کالی داس نے آنکھیں کھول کر اس دیکھا تھا ۔۔۔۔۔۔۔۔۔۔۔ اور اس کی گود میں
کوشلیا کو دیکھ کر خباثت سے مسکرا یا تھا ۔۔۔۔۔۔
نا جانے کیوں اس کے اس طرح کوشلیا کو دیکھنے پر رام دیال کی گرفت اپنی بیٹی
پر مضبوط ہوگئی تھی ۔۔۔
اور وہ اسے اپنی گود میں ہی لئے اس کے سامنے بیٹھ گیا تھا ۔۔۔۔۔۔۔۔۔۔
رام دیال چنتا مت کرو ۔۔۔۔۔۔۔ وہ سایا تیری بیٹی کو نقصان نہیں پہنچائے گا
۔۔۔۔۔۔ بلکہ وہ اس کے پاس راج کرے گی ۔۔۔۔۔۔۔۔۔ اور اس کے بچوں کے ساتھ
پروان چڑھیگی ۔۔۔۔۔
کیا بدروح کے بچے بھی ہوتے ہیں گرو جی ؟؟؟؟؟؟؟؟؟؟؟
وہ حیرت سے بولا تو کالی داس مسکرا کر خاموش ہوگیا ۔۔۔۔۔۔۔۔۔۔ کالی داس
بدروح اور سایہ کی حقیقت اچھی طرح جانتا تھا ۔۔۔۔۔ یہ کھیل تو فقط سادہ اور
بےوقوف لوگوں کو اپنے وش میں کرنے کے لئے رچایا جاتا تھا ہے اور رہے گا
۔۔۔۔۔۔۔۔۔۔۔۔ جو کالی داس بھی کھیل رہا تھا ۔۔۔۔۔۔۔۔۔۔۔۔
تو ان باتوں میں نہ پڑ رام دیال ۔۔۔۔۔۔۔۔۔۔۔۔۔۔ اور ہاں اپنی بیٹی کو آخری
بار پیار کرلے ۔۔۔۔۔ تو اسے پھر دیکھ نہیں پائے گا ۔۔۔۔۔۔۔۔۔۔ وہ سایا اس
مقدس کمرےمیں موجود ہے ۔۔۔جلدی کر ۔۔۔۔۔۔۔۔۔۔
وہ ایک دم اس سے بولا تو رام دیال کا کلیجہ منہ کو اگیا تھا ۔۔۔۔۔۔۔۔۔۔ اب
کیا وہ ہمیشہ کے لئے اپنی بیٹی کو کھو دیگا ۔۔۔۔۔۔۔۔۔۔۔ وہ منحوس سایا اسے
لے جائے گا ۔۔۔۔۔۔۔۔۔۔ ہمیشہ کے لئے ۔۔۔۔۔۔۔۔۔
اس نے ایک دم ہی اپنی بیٹی کو بھینچا تھا ۔۔۔۔۔۔۔ اور چٹا چٹ اس کے ماتھے
اور گالوں پر پیار کرنے لگا تھا ۔۔ کوشلیا حیران بھی تھی اور کچھ خوفزدہ
بھی ۔۔۔۔۔۔۔۔۔۔۔ اسے سامنے بیٹھا بدہیت شخص ذرا بھی پسند نہیں آیا تھا ۔۔۔۔
عجیب سا موسی کی کہانیوں کے بھوتوں جیسا ۔۔۔۔۔۔۔۔۔۔ جو راجکماری کو قید
کرلیتا ۔۔۔۔۔۔۔۔۔۔۔ اور آخر میں راج کمار آکر انہیں آزاد کرا تا
۔۔۔۔۔۔۔۔۔۔۔۔
میری بچی مجھے شما کردینا ۔۔۔۔۔۔ میری منیا ۔۔۔۔۔۔۔۔۔۔۔۔
وہ رونے لگا تھا ۔۔۔۔۔۔۔۔۔۔۔۔۔ اور کوشلیا اپنے باپ کو یوں روتا ہوا دیکھ
کر حیران تھی جو اس سے نا جانے کس بات کی معافی مانگ رہا تھا ۔۔۔۔۔۔۔۔ اس
کا ننا ذہن اس بات کو سمجھنے سے قاصر تھا ۔۔۔۔۔۔۔۔۔۔۔
چھوڑ دے اب کوشلیا کو ۔۔۔۔۔۔۔۔۔۔ اور ذرا دور ہٹ کر بیٹھ جا ۔۔۔۔۔۔۔۔۔۔۔۔
کالی داس کی مکروہ آواز گونجی تھی ۔۔۔۔۔۔۔۔۔۔۔ اس کی بات سن کر آخری بار
پھر سے اپنی بیٹی کا ماتھا چوما اور اسے وہیں زمین پر بٹھا کر دور ہٹ کر
بیٹھ گیا تھا ۔۔۔۔۔ پھر اچانک اسے ٹھنڈ کا احساس ہوا تھا اور اس نے اسی
کالے دھوئیں کو دیکھا ۔۔۔۔۔۔۔۔۔۔ جو کوشلیا کے اوپر اسی طرح دائرے میں گھوم
رہا تھا ۔۔۔۔۔۔۔۔ جس طرح چند دن قبل ہسپتال میں اس کے دونوں جڑواں بچوں کے
اوپر ۔۔۔۔۔۔۔۔۔۔۔۔ کوشلیا پر غشی سی تاری ہوئی تھی ۔
اور وہ اس کے سامنے بیٹھے بیٹھے ایک طرف لڑھک گئی ۔۔۔۔۔۔۔۔۔۔ کالے دھوئیں
نے اب بے ہوش کوشلیا کو ڈھانپ لیا تھا ۔۔۔۔۔۔۔۔۔ اور پھر دیکھتے ہی دیکھتے
وہ غائب ہوگیا اور ساتھ میں کوشلیا بھی ۔۔۔۔۔۔۔
کوشلیا !!!!
وہ بے تابی سے چیخا تھا ۔۔۔۔۔۔۔۔۔۔۔
جو ہوا اچھے کے لئے ہوا ہے رام دیال جا ۔۔۔۔۔۔۔۔۔۔ تیرے دونوں بیٹے تیرا
انتضار کر رہے ہیں ۔۔۔۔۔۔۔۔۔۔۔
کالی داس کی بات سن کر وہ لٹا لٹا سا چپ چاپ باہر کی طرف چل پڑا
۔۔۔۔۔۔۔۔۔۔۔۔۔
×××××××××××××××
باقی آئندہ ۔۔۔۔۔۔۔۔۔۔۔ |