مشکل راستے قسط ١٦
(farah ejaz, dearborn, mi USA)
اسلام علیکم ۔۔۔۔۔۔۔۔۔۔۔۔۔۔۔
وعلیکم ۔۔۔۔۔۔۔۔۔۔۔۔۔۔ آہ میری بچی ۔۔۔۔۔۔۔۔۔۔
میں نے ڈرائینگ روم میں داخل ہوتے ہی سلام کیا تو اکبر ماموں نے سلام کا
آدھا جواب دیکر زور زور سے عورتوں کی طرح رونا شروع کردیا ۔۔۔۔۔۔۔۔۔۔۔۔ پتہ
نہیں کیوں مجھے انکا رونا بڑا بناوٹی سا لگا تھا ۔۔۔۔۔۔۔۔۔ شاید اماں بی نے
ان کے فراڈ کی اتنی کہانیاں سنائیں تھین کہ اب انکا رونا مجھے عجیب سا لگا
تھا ۔۔۔۔۔۔ وہ اکیلے ننہیں آئے تھے ساتھ میں مامی اور انکے بچے بھی تھے
۔۔۔۔ پورا ٹبر ہی اٹھ کر آگیا تھا ۔۔۔۔۔۔۔۔۔۔۔۔
اررے میری بچی ادھر آؤ میرے پاس بیٹھو ۔۔۔۔۔۔۔۔۔ ہائے ذاکرہ چلے گئی
۔۔۔۔۔۔۔ ہائے میری بہن ۔۔۔۔۔۔ بچیوں کوو کس کے سہارے چھوڑ گئی ۔۔۔۔۔۔۔۔۔
وہ سینے پر ہاتھ مار مار کر کہہ رہے تھے اور مامی کا رونا بھی ساتھ میں
جاری تھا ۔۔۔ مامی اور اماں بی کی کبھی نہیں بنی تھی ۔مامی کا رویہ نانی
جان کے ساتھ بھی بہت برا تھا ۔۔۔ نانا ابا کے انتقال کے بعد سے وہ انکے
ساتھ بڑی بدتمیزی سے پیش آتی تھیں ۔۔۔ اور اکبر ماموں کو بیوی کی کوئی بات
بھی بری نہیں لگتی تھی ۔۔۔۔۔ انکا رویہ بھی کون سا ماں کے ساتھ اچھا تھا
۔۔۔ عجیب سا رویہ تھا انکا نانی اماں کے ساتھ ۔۔۔۔۔ میرے دیگر ماموں اور
اماں بی نے جب یہ سلوک نانی اماں کے ساتھ دیکھا تو انہیں پھر اکبر ماموں کے
پاس جانے نہیں دیا ۔۔۔۔۔۔۔۔۔۔۔ میں چپ چاپ پرانی باتیں سوچتے ہوئے ڈرائینگ
روم میں داخل ہوئی تھی ۔۔۔۔۔۔ اور انکے سامنے والے سوفے پر بیٹھ گئی
۔۔۔۔۔۔۔۔۔۔۔
جاؤ اس کے پاس بیٹھو ۔۔۔۔۔۔۔۔
میرے بیٹھتے ہی اکبر ماموں نے ساتھ بیٹھی مامی کو آہستہ سے کہا تھا ۔۔۔۔۔۔۔
جو میرے تیز کانوں نے سن بھی لیا تھا ۔ وہ اٹھ کر میرے پاس آکر بیٹھ گئیں
۔۔۔۔۔۔ میں سپاٹ چہرا لئے انہیں اور ان کی فیملی کو دیکھ رہی تھی ۔۔۔۔۔۔۔۔
اکبر ماموں جو ہونا تھا وہ ہوچکا ۔۔۔۔۔۔۔ اللہ سبحان و تعلیٰ سے اماں بی کی
مغفرت کی دعا کریں ۔۔۔۔۔۔
میں نے آہستہ لہجے میں ان سے کہا تھا ۔۔۔۔۔۔۔۔
ہاں تم ٹھیک کہتی ہو بیٹا ۔۔۔۔۔۔۔۔ لیکن تم دونوں تو اکیلی ہوگئیں نا
۔۔۔۔۔۔۔۔
وہ بولے تو میں انہیں کیا جواب دیتی ۔۔ خاموشی سے انہیں دیکھنے لگی ۔۔۔۔۔
مجھے تو ہول اٹھتے ہیں ۔۔۔ اکیلی بچیاں اور زمانہ کتنا خراب توبہ توبہ
۔۔۔۔۔۔
مامی پہلی دفہ بولیں تھیں ۔۔۔۔
مامی ہم اکیلے نہیں رہتیں ککو بھی ہمارے ساتھ ہیں ۔۔۔۔۔۔ اور ویسے بھی
الحمدللہ ہم چھوٹی بچیاں تھوڑی ہیں ۔۔۔۔۔
ارے ملازمہ ہے وہ تو ۔۔۔۔۔۔ کوئی بڑا تو ہونا چاہئے نا تم لوگوں کے ساتھ
۔۔۔۔۔
ککو کو ہم اور اماں بی نے کبھی بھی نوکر نہیں سمجھا اکبر ماموں ۔۔۔۔۔۔۔۔
ارے واہ تمہارے سمجھنے سے کیا ہوتا ہے ۔۔۔۔ تمہیں ایک سرپرست کی ضرورت ہے
۔۔ حیرت ہے کسی نے پلٹ کر تم لوگوں کو دیکھا بھی نہیں ۔۔۔۔
نہیں ایسی بات نہیں ہے اکبر ماموں ۔۔۔ شہاب ماموں پاکستان فوراً آگئے تھے
جب یہ حادثہ ہوا تھا ۔۔ دیگر ماموں بھی دو ہفتوں کے اندر پاکستان پہنچ گئے
تھے ۔۔۔۔ سب نے ہی ہمیں اپنے ساتھ لے جانے کی کوشش کی تھی ۔۔۔۔ لیکن میں نے
منع کر دیا تھا ۔۔۔ میں اپنی اور اپنی بہن کی اچھے سے ٹیک کئیر کرسکتی ہوں
۔۔۔۔۔۔۔۔۔
مجھے انکی باتوں سے کوفت ہونے لگی تھی ۔۔۔۔۔۔ اماں بی کے ساتھ پیش آنے والے
واقع کی اطلاع انہیں بھی دے دی گئی تھی ۔۔۔لیکن لاہور میں رہتے ہوئے بھی وہ
نہیں آئے تھے اور نہ ہی کسی قسم کی تعزیت کی تھی ۔۔۔ اور اب دیگر ماموؤں پر
پر نکتہ چینی کر رہے تھے ۔۔ جو ان سے زیادہ ہمارے ہمدرد تھے ۔۔۔
ہاں یہ تم نے اچھا کیا بیٹی جو انکے ساتھ جانے سے منع کر دیا ۔۔۔ اب میں
آگیا ہوں نا سب ٹھیک ہوجائے گا ۔۔۔۔
وہ بولے تو میں چونکی تھی ۔۔۔۔
اچھا اکبر ماموں مجھے آفس کے لئے دیر ہو رہی ہے اور پھر مل بھی جانا ہے ۔۔
اس لئے مجھے اجازت دیجیے ۔۔۔ اگر میری میٹنگ نہ ہوتی تو رک جاتی لیکن معزرت
چاہتی ہوں آپ سب سے ۔۔۔ ککو کو کہہ دیا ہے آپ لوگ کھائے پئے بغیر مت جائیے
گا ۔۔۔۔۔
میں نے ڈھکے چھپے الفاظ میں انہیں کہہ دیا تھا ۔۔ایک دم منہ پر کہہ تو نہیں
سکتی تھی کہ جناب ہمیں آپ کی کوئی ضرورت نہیں ہے ۔۔۔وہ میری بات سن کر
چونکے تھے ۔۔۔ لیکن میں سلام کرتے ہوئے نکل گئی تھی ۔۔۔ مجھے امید تو تھی
کہ وہ میری بات سمجھ جائینگے کے میں بھی اماں بی کی طرح ان سے کسی قسم کا
بھی تعلق نہیں رکھنا چاہتی ۔۔۔۔۔
..................................
وہ خاموش اپنی لائبریری میں بیٹھے ہوئے تھے ۔۔۔ عباس کی آمد سے وہ ماضی کی
یادوں سے نکل تو آئے تھے لیکن وہ لڑکی انہیں مستقل یاد آرہی تھی ۔۔۔۔ جس نے
انہیں پریشان کر دیا تھا ۔۔۔ جس کی وجہ سے پرانے زخم پھر سے تازہ ہوگئے تھے
۔۔۔۔
جمال بھائی ۔۔۔
ہاں بولو ۔۔۔۔
دل چھوٹا نہ کریں ۔۔ اللہ نے چاہا تو سب ٹھیک ہوجائے گا ۔۔۔
عباس کی بات پر چونک کر اسے دیکھا تھا ۔۔۔۔۔ پھر مسکرائے تھے ۔۔۔ ایک زخمی
سی مسکراہٹ تھی انکی ۔۔۔۔۔
تم نہیں جانتے عباس میں کس کرب سے گزر رہاہوں ۔۔۔ دنیا کے سامنے میں ایک
کامیاب ترین آدمی ہوں ۔۔۔۔ ہنہ ۔۔۔ لیکن ۔۔۔ تم جانتے ہو مجھ جیسا مفلس اس
دنیا میں کوئی نہیں ۔۔۔۔۔
عباس کیا جواب دیتا خاموش اور دکھی دل سے انہیں دیکھے گیا ۔۔۔۔۔۔۔
صاحب ۔۔ شبیر صاحب آگئے ہیں ۔۔۔
انہیں یہاں لے آؤ خان ۔۔۔۔۔۔۔۔۔۔
جی بہت بہتر ۔۔۔۔
دوسرے ملازم نے جب آکر شبیر صاحب کے آنے کی اطلاع انہیں دی ۔۔۔۔ تو وہ اسے
ہدایت دیتے ہوئے اٹھ کھڑے ہوئے اور اس بڑی سی Curve ٹیبل کی طرف بڑھ گئے جس
پر چند کاغذات اور چھوٹا سا جدید لیپ ٹاپ رکھا ہوا تھا ۔۔۔۔۔
اسلام علیکم سر ۔۔۔
وعلیکم اسلام ۔۔۔ تشریف رکھئے ۔۔۔۔۔
وہ ٹیبل کی بڑی سی کرسی پر بیٹھتے ہوئے انہیں دوسرئ طرف رکھی دو کرسیوں میں
سے ایک پر بیٹھنے کا اشارہ کیا تھا ۔۔
سر ہم نے اس لڑکی کا پتہ لگا لیا ہے ۔۔۔۔۔
انکی بات سن کر وہ چونکے تھے ۔۔۔ اور ہلکی سی امید کی چمک ان کے چہرے پر
لہرائی تھی ۔۔۔۔۔ شبیر صاحب نے ایک لفافہ اٹھ کر انکی طرف بڑھایا تھا ۔۔۔۔
انہوں نے بیتابی سے کھول کر دیکھا تو اس لڑکی کا پورا شجرہ نسب اس میں
موجود تھا ۔۔۔۔۔ دھیمے سے اس کا نام پڑھا تھا انہوں نے ۔۔۔۔۔
عائشہ دانیا علی ۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جاری ہے ۔۔۔۔۔۔۔۔۔۔۔۔۔ |
|