امریکہ: 24 نمازی نوکری سے برطرف

دنیا کی ایک مشہور و معروف بین الاقوامی کوریئر کمپنی نے اپنے امریکی آفس سے ڈیوٹی کے دوران باجماعت نماز ادا کرنے والے 24 مسلمانوں کے ملازمت سے برطرف کر دیا ہے-

امریکی ریاست کنٹیکی کے شہر ہیبرون میں واقع بین الاقوامی کوریئر کمپنی “ ڈی ایچ ایل “ میں کام کے اوقات کے دوران وقفوں میں باجماعت نماز کی اجازت دے رکھی تھی لیکن بعد بنا کسی وجہ سے کے بتائے اس کو بھی ختم کردیا گیا اور اس کا اطلاق وقفے پر بھی کر دیا گیا-

تاہم جب ادارے کے مسلمان ملازمین نے وقفے کے دوران باجماعت نماز ادا کی تو ان کو نوکری سے برطرف کر دیا گیا-

امریکا میں مسلمانوں کے حقوق کے لیے کام کرنے والی ایک “تنظیم کونسل آن امریکن اسلامی ریلیشن“ نے اسے امریکی قانون کی خلاف ورزی قرار دیا ہے-

تنظیم کا کہنا ہے کہ باجماعت نماز کی ادائیگی مسلمانوں کا بنیادی حق ہے جو امریکی آئین نے انہیں دے رکھا ہے-

تنظیم نے کوریئر کمپنی کی جانب سے ان مسلمانوں کو ملازمت سے نکالے جانے کو غیرقانونی قرار دیا ہے٬ اور ساتھ ہی تنظیم نے یہ شکایت امریکا میں ملازمین کے حقوق کے تحفظ کے لیے کام کرنے والے سرکاری ادارے میں بھی کر دی ہے-

< Previous حضرت عمر فاروق (رض) کا مثالی دورِ حکومت NEXT > دنیا کی چند خوبصورت ترین مساجد