دنیا کی چند خوبصورت ترین مساجد

مسجد مسلمانوں کے لیے ایک مقدس مقام ہوتا ہے- یہ وہ مقام ہے جہاں تمام مسلمان اکھٹے ہو کر عبادت کرتے ہیں- دنیا بھر کی مساجد اسلامی ثقافت کی نمائندگی کرتی ہیں- مکہ مکرمہ میں واقع مسجد حرام مسلمانوں کے لئے مقدس ترین مقام ہے جبکہ مسجد نبوی سعودی عرب کے شہر مدینہ منورہ میں قائم اسلام کا دوسرا مقدس ترین مقام ہے اور ان دونوں مساجد کی خوبصورتی دیکھ کر انسان کی سانسیں تھم سی جاتی ہیں- ہم یہاں چند اور پرکشش اور خوبصورت مساجد کا ذکر کریں گے جو دنیا کے مختلف ممالک میں تعمیر کی گئی ہیں-
 

Mevlana mosque - Rotterdam
یہ خوبصورت مسجد نیدر لینڈ کے شہر Rotterdam میں واقع ہے- اس مسجد کی تعمیر 2001 میں کی گئی- یہ مسجد 2006 میں ہونے والی ووٹنگ کے نتیجے میں Rotterdam کی سب سے پرکشش عمارت کا اعزاز بھی حاصل کرچکی ہے-

Hassanil Bolkiah, Mosque
اس مسجد کا مکمل نام Jame'Asr Hassanil Bolkiah ہے اور یہ برونائی میں واقع ہے- اس مسجد کی تعمیر 1992 میں کی گئی اور یہ اس وقت کے سلطان کی حکومت کو 25 سال مکمل ہونے کے موقع پر تعمیر کی گئی- یہ برونائی کی سب سے بڑی مسجد ہے-

The Shah Alam mosque - Malaysia
یہ مسجد ملائیشیا کے شہر Kuala Lumpur میں واقع ہے اور اس تصویر میں مسجد کی خوبصورتی کا بخوبی اندازہ لگایا جاسکتا ہے- اس مسجد کو ملائیشیا کی سب سے بڑی مسجد ہونے کا اعزاز بھی حاصل ہے- اس مسجد کی تعمیر کا کام 1982 میں شروع ہوا اور یہ 1988 میں مکمل ہوئی-

Mohammed Ali's Mosque - Egypt
یہ مسجد مصر کے دارالحکومت قاہرہ میں واقع ہے- یہ قاہرہ کی ایک نمایاں مسجد ہے اور اس شہر میں آنے والے سیاح سب سے پہلے اسی مسجد کو دیکھنے کی خواہش کا اظہار کرتے ہیں- اس مسجد کی تعمیر 1830 سے لے کر 1848 کے درمیان کی گئی-

The Jumma Masjid mosque
دلکش تزئین و آرائش سے آراستہ یہ مسجد براعظم افریقہ کے ملک موزمبیق کے دارالحکومت Maputo میں واقع ہے- اور اس کی تعمیر مکمل ہونے تک یہاں سیاحوں کا داخلہ ممنوع رکھا گیا-

Istiqlal Grand Mosque - Indonesia
انڈونیشیا کے شہر جکارتہ میں واقع اس خوبصورت مسجد کے 7 داخلی دروازے ہیں اور ہر دروازے کا نام اﷲ تعالیٰ کے نام پر رکھا گیا ہے- یہ مسجد عوام کے 22 فروری 1978 کو کھولی گئی- اس مسجد کی تعمیر مکمل ہونے میں 17 سال کا عرصہ لگا-

Melaka Straits Mosque - Malaysia
یہ خوبصورت اور دلکش مسجد ملائیشیا کے ایک مصنوعی جزیرے Malacca پر تعمیر کی گئی ہے- اس مسجد کے اسٹرکچر کو دیکھ کر ایسا محسوس ہوتا ہے کہ جیسے پانی کی سطح بلند ہوتے ہی یہ مسجد لہروں پر بہنا شروع ہوجائے گی- اس مسجد کا افتتاح 24 نومبر 2006 کو کیا گیا-

Qul Sharif mosque, Kazan
یہ مسجد روس کے شہر قازان میں واقع ہے- اپنی تعمیر کے وقت یہ روس کی سب سے بڑی مسجد تھی- اس مسجد کی تعمیر 16ویں صدی میں کی گئی- اس مسجد کی تعمیر کے لیے متعدد ممالک نے فنڈ فراہم کیے٬ جن میں قابلِ ذکر سعودی عرب اور متحدہ عرب امارات ہیں -

El Rifaï mosque - Egypt
یہ خوبصورت منظر مصر میں واقع الرفاعی مسجد کا ہے- یہ مسجد مصر کے دارالحکومت قاہرہ میں تعمیر کی گئی - اس مسجد کی تعمیر دو مرحلوں میں کی گئی- اور یہ تعمیرات 1969 سے لے کر 1912 کے درمیان کی گئیں-