Aj Kal Media PPP Ki Govt. Ko
Tabdeel Karney Ke Darpey Hai, Halat, Corruption, Mehengai, Aqarba Parvry,
Supreme Court Ke Sath Mahaz Arai Dekh Kar In Baton Pe Yaqeen Sa Ho Jata Hai,
Khas Kar Jab TV Show KAMRNA Khan Dekhta Hoon To Aisa Mehsoos Hota Hai Shayed Aj
Raat Hukumat Khatam Ho Jaey Gi. In Halat Mein Aj Maine Bahut Dino Baad Hamariweb
Kholi Socha Dekhon Kamran Khan Ke Ilawa Chote Chote Writers Ki Kiya Rai Hay. To
Jinab Nadeem Haider Rizvi Saheb Ka Article Nazar Se Guzra, Kuch Cheezon Se
Ikhtilaf Sahi Magar Unhon Ne Climac Nihayat Shandar Diya, Ke Koi Aur Bhi Kitne
Din Chal Sakey Ga. Ab Dekhna Ye Hai Hukumat Tabdeel Ho Sakti Hay Ya Nahi, Aur
Agar Ho Gayee To Wo Kitne Din Chaley Gi. Aj Ham Har Pehloo Per Ghaur Karengey Jo
Tareeqa Possible Hay Hukumat Ki Tabdeeli Ka.
No Confidance.
Ziyada Tar Media No Confidance Se Hukumat Ko Hataney Ki Bat Kar Rahi Hay. Agar
N-League, MQM, Aur Q-League Akathi Ho Jaen To Aram Se PPP Govt. Ko Giraya Ja
Sakta Hay, Lekin Ab Sochna Ye Hay Ke Ye Jamaiten Akathi Ho Sakti Hain Agar Han
To Sharait Kon Si Hon Gi Aur Agar Tamam Sharait N-League Man Le To N-League Ke
Pas Kiya Bachta Hay. Pehla Jawab Hay N-League Aur MQM Akathi Nahi Ho Sakti Q- K
MQM Ko Den Eke Liyey N-League Ke Pass Kuch Nahi Hay. Agar MQM Federal Govt. Ko
With Draw Karti Hay To Sind Govt. Se Bhi Alag Hona Pare Ga Aur Governor Ki Seat
Bhi Chorni Hogi Aur PPP Ki Provisional Hukumat Khatam Nahi Ho Sakti Q K Un Ke
Pass Majority Maujood Hai. Aur Agar MQM Ne Sindh Govt Chori To Hyderabad Aur
Karachi Ki Naye Hudood Bandi Jo Iltiwa Mein Hay PPP Hukumat Sirf MQM Ki Waja Se
Nahi Kar Rahi. Wo Ho Jaey Gi Is Liye Mera Khayal Hay Ke MQM Ghatey Ka Sauda Nahi
Kare Gi. Aur 18th Ammenment Ki Roo Se Tarqiyati Ikhrajat Provinces Ko Jatey Hain,
Aur MQM Ke Pending Cases, NRO Zadgan Ke Cases MQM Ko Majboor Kartey Hain Ke Wo
PPP Ke Sath Rahey. Isi Tarah ANP Bhi Majboor Na Sahi Lekin Kala Bagh DAM, Ya
Khyber Pakhtoonkha Ke Nam Ki Tabdeeli Per N-League K Sath Nahi Chal Sakti. Is
Sarey Scenario Mein Q-League Ki Chandi Nazar Aa Rahi Hay. Q-League Hukumat
Giraney Ke Liye N-League Se Jo Kam Se Kam Keemat Mangey Gi Wo Punjab Ki Hukumat
Hogi, Shayed Mian Saheb Ye Hukumat De Den To Sochna Ye Hay Ke PPP 2 Provinces
Mein Hukumat Karey Gi, Jab Ke ANP Aur Q-League Provinces Mein Hukumat
Karen Ge. Ye Zikar Karna Zaroori Hay Ke Defence Aur Berooni Karzon Ki Katoti Ke
Bad Jo Budget Banta Hay Us Ka 70% Lag Bhag 1000 Billion Provinces Ko Transfer
Hota Hay, Aise Mein N-League Ko Kiya Mile Ga, Sirf PM Ship, Aur 2 Saal Tak Choti
Jamaiton Ke Nakhrey Aur Blackmailing, Nawaz Shareef Saheb Mujhey Itney Asan
Target Nazar Nahi Aatey.
Mid Term Election
Doosra Tareeqa Hay Mid Term Election Us Ke Liyey Bi Pehle No Confidance Lana
Zaroori Hay, Lekin Ye Bi Provinces Pe Lagoo Nahi Hoga, Lekin Agar Ho Gaya To
Teen Provinces Nawaz Shareef Ke Against Kaharey Hain, Q K Nawaz Shareef Saheb
Last General Election Ke Baad Ek Baar Bhi Sind, Pakhtoonkha Aur Balochistan Nahi
Gaye. To Nawaz Shareef Saheb Ko Sirf Punjab Se 147 NA Seats Mein Se Kam Se Kam
130 Seats Jeetna Hongi, Jo Mujhey Nahi Lagta.
Agar Ye Sari Soorat Haal Media Samajh Jaey To Shayed Tabdeeli Ki Bat Karna Band
Kar De Ta Ke Is Anarki Ki Soorat Haal Me Mazeed Izafa Nahi Hona Chahiye. Lekin
Is Ka Ye Qatai Matlab Nahi Ke Hukumat Jo Kar Rahi Hay Wo Theek Hay. Hukumat Ko
Awam Ko Deliver Karna Chahiyey, Supreme Court Ka Ehtram Karna Chahiyey, Crrupt
Ministers Ko Hatana Chahiyey.