Pakistan Aur Internationl Level Pe Petrol Ki Qemton Ka Mazna
(IFTIKHAR GHORI, Karachi)
Govt Of Pakistan Ne Pertrol Ki
International Price K Bary Main Karachi Kuch Qomi Akhbarat Main Ishtihar Dia Hai
Ki India Main Pakistani Rupees K Lehaz Se Petrol Ki Qemat 110.2, Japan 143.66,
Bartania 178.39 And Germany 173.45 Hai. Kia Govt. Of Pakistan Ne Japan, Bartania
Aur Germany K Labour Rule Ko Pakistan Main Nafiz Karny Ki Koi Koshish Ki. Kia
Pakistan Ka Shehri In Teno Mamalik K Shehriyon K Brabar Ugrat Lete Hain. Kia
Gov. Of Pakistan Ne Young Docters K Wages K Bary Mian Koi Iqdam Kia Hai. Kia
Gov. Of Pakistan Health Se Mutaliq Un K Mayar Ko Apna Mayar Bana Chuki Hai? Kia
Sarkari Hospitals Mian Tamam Facilities Mojod Hain? Kia Hospitals Ki Emergency
Main Mareezon Ko Waqai Acha Treatment Milny Laga Hai? Kia Gov. Of Pakistan
Education Se Mutaliq Amli Tor Per Un K Mayar Ko Apna Mayar Bana Chuki Hai. Kia
Ghareeb K Bachy Ko Machanic Ki Dukan Se Utha K School Main Dakhil Karwa Chuki
Hai? Kia Qanoni Satah Pe Logon Ko Insaf Milna Shuru Ho Chuka Hai. Kia Pakistan
Main Crim Control Ho Chuka Hai. Kia Ghareeb K Liye Khorak Ka Masla Hal Ho Chuka
Hai. Kia Sugar Mafia Ko Pakar Lia Gaya Hai. Kia Aata 35 Rupees Per Kg Se 10
Rupees Per Kg Ho Gaya Hai.. Kia Tamam Hari Khush Hal Hain. Kia Pakistan Main
Bhok Khatam Ho Chuki Hai. Kia Pakistan Mian Roti, Kapra Aur Makan Sub Ko Mil
Chuka Hai. Kia Benazir Support Programm Ki Peson Se Koi Lawaris Old Woman And 1
Oldman Apny Ghar Ka Budget Bana Sakta Hai. Agar Koi In Peson Se Apny Budget Ko
Bana Sakta Hai To Ap 1 Month 7 Hazar Rupees Main Apna Ghar Chala Kar Dekhain Go
K Mazdor Ko Gov. Ki Muqarar Karda Monthly Salery 7 Hazar Rupees Bhi Nahi Mil
Rahi Hai. Farz Karain K Salery 7 Hazar Bhi Hai To 2 Bachon K Sath Apni Family K
Kharch Ko Pora Kar K Dekhain. Ap Duniya K Jaded Mumalik Se Apna Mazna Kar Rahe
Hain. Kia Berozgar Ko Berozgari Allownce Dia Jata Hai Ya Us Ki Job Ka Koi
Intezam Kia Jata Hai. Aur Pakistan K Log Jab Khush Hal Ho Jain To Ye Ishtihar
Bari Khushi Se Shaya Karway. Sirf Chand Points Leye Gay Hain Ta K Ap Ko Awami
Masayl K Bary Main Kuch To Pata Chaly K Ap Ki Gov. Ne To Pakistan Ko Pichli Gov.
Se Bhi Ziada Nuqsan Ponhchaya Hai Na K Koi Taraqi Ho.
Agar Nahi To Hamari Gov. Ko Chahye K Wo Moqif Apnay Jo Wo Khud Nafiz Kar Chuki
Hai.