گنیز بک٬ پاکستان ایک نئے ریکارڈ کی جانب گامزن

اچھوتے، انوکھے اور منفرد ریکارڈ بنانے اور ان میں دلچسپی رکھنے والوں کیلئے گنیزبک آف ورلڈ ریکارڈ ایک معتبر نام ہے۔ ریکارڈ کی دنیا کی اس معتبر ترین کتاب میں نام درج کرانا کسی بھی فرد، جماعت یا ملک کیلئے ایک بڑا اعزاز سمجھا جاتا ہے۔
 

کسی بھی حوالے سے اپنے ملک کا نام روشن کرنا ہر محب وطن فرد کی دلی خواہش ہوتی ہے۔ ظاہر ہے ہر محب وطن پاکستانی بھی پاکستان کا نام روشن کرنا چاہتا ہے جس کیلئے انفرادی اور اجتماعی کوششیں ہوتی رہتی ہیں۔ اسی خواہش اور سوچ کو ذہن میں رکھتے ہوئے دنیا بھر میں پاکستان کانام روشن کرنے کیلئے دی ماسٹر ایونٹ اور ہیلپ لائن ٹرسٹ نے ماسٹر مولٹی فوم، گورے انٹرنیشنل اور چند دوسرے اسپانسرز کی مدد سے ایک مشکل ریکارڈ کو پاکستان کے نام کرنے کا بیڑا ٹھایا ہے۔

یہ ریکارڈ ہے,Largest Human Mattress Dominoes جو کہ اس وقت جرمنی کے پاس ہے۔جرمنی نے یہ ریکارڈ 2012 ء میں 1150 لوگوں کی مدد سے اپنے نام کیا تھا جسے اب دی ماسٹر ایونٹ نے 1500اسٹوڈنٹس کی مدد سے پاکستان کے نام کرنے کا بیڑا اٹھایا ہے- یہ ریکارڈ 24 جنوری2016 ء کو ہاکی کلب آف پاکستان اسٹیڈیم کراچی میں ایک تین روزہ نمائش کے آخری دن توڑا جائے گا۔
 

دی ماسٹر ایونٹ پاکستان کی ایک مشہور اور معتبر ایونٹ مینجمنٹ کمپنی ہے جو کہ گزشتہ پندرہ سالوں سے اسی طرح کے ایونٹس کر رہی ہے۔ دی ماسٹر ایونٹ کے بیشتر پروگرام کسی نہ کسی مقصد کو سامنے رکھ کے کیے جاتے ہیں جیسے کہ موجودہ پروگرام کا مقصد دنیا بھر میں پاکستان کا نام روشن کرنے کے علاوہ ہیلپ لائن ٹرسٹ کے ہیلتھ اور ایجوکیشن پروگرام کے لیے فنڈ جمع کرنا بھی ہے۔

دی ماسٹر ایونٹ اس سے پہلے بھی ہیلپ لائن ٹرسٹ اور روٹری کلب سمیت کئی فلاحی اداروں کیلئے فنڈ جمع کرنے کے سلسلے میں نمائشیں اور دیگر پروگرام کرتی رہی ہے۔

اگر بات کی جائے ہاکی کلب آف پاکستان اسٹیڈیم میں بنائے جانے والے ریکارڈ کے حوالے سے تو Largest Human Mattress Dominoes ایک ایسا ریکارڈ ہے جس میں ایک 4x6,Participant فٹ کا فوم میٹریس دونوں ہاتھوں سے اپنے پیچھے پکڑ کر کھڑا ہوتا ہے اس کے پیچھے اس سے چار فٹ کے فاصلے پر ایک اور Participant اسی طرح میٹریس پکڑے کھڑا ہوتا ہے اور اس طرح ایک کے پیچھے ایک s Participant قطار کی صورت میں کھڑے ہوتے ہیں۔ پھر سب سے پہلے سب سے آگے کھڑا شخص اپنے پیچھے کی طرف گرتا ہے اور اس کے دھکے سے اس کے پیچھے کھڑا شخص اپنے پیچھے کی طرف گر جاتا ہے اور پھر اس کے دھکے سے اس کے پیچھے موجود شخص۔ اسی ترتیب سے تمام لوگ Dominoes کی صورت میں گرتے چلے جاتے ہیں۔
 

ان تمام لوگوں کا ایک ترتیب میں اور منظم طریقے سے گرنا لازمی ہے اور آخری Participant کے گرتے ہی یہ ریکارڈ مکمل ہوجاتا ہے۔ یہ ریکارڈ کوریا ، چائنا اور جرمنی سمیت کئی ملک توڑ چکے ہیں۔اور اب یہ ریکارڈ انشاء اﷲ پاکستان کے پاس آجائے گا۔ اس ریکارڈ کو ایک تین روزہ نمائش کے آخری دن توڑا جائے گا۔ نمائش ہاکی کلب آف پاکستان اسٹیڈیم کراچی میں 22 سے 24 جنوری 2016 تک جاری رہے گی جبکہ یہ ریکارڈ آخری دن یعنی 24 جنوری کو توڑا جائے گا۔

اس نمائش میں ملک کی تمام بڑی اور قابلِ ذکر قومی اور بین الاقوامی کمپنیز اپنے اسٹالز لگائیں گی۔ اسٹالز کے علاوہ نمائش میں عوام الناس کی دلچسپی کیلئےEntertainment Arena ،Food Arena اور Kids Arena بھی بنایا جائے گا۔ جس میں آنے والے افراد اور ان کی فیملیز کی دلچسپی کا بہت سا سامان ہوگا۔ نمائش میں پہلے دو دن داخلہ مفت ہوگا۔ جبکہ آخری دن جس دن ورلڈ ریکارڈ بنایا جائے گا ممکنہ رش کو کنٹرول کرنے کیلئے معمولیEntry Fee لگائی گئی ہے۔

میڈیا پارٹنر کی حیثیت سے ٹی وی ون اور نیوزون، پرنٹ میڈیا پارٹنر کی حیثیت سے روزنامہ ایکسپریس، ریڈیو پارٹنر کی حیثیت سے FM 107 اور آن لائن میڈیا پارٹنر کی حیثیت سے ہماری ویب اس ایونٹ کی پبلی سٹی اور کوریج کریں گے، اس کے علاوہ اس ایونٹ کو ہورڈنگز، بینرز، فلائرز، اسٹیمرز، پوسٹرز سمیت مختلف طریقوں سے بھی پبلی سائز کیا جائے گا۔
 

ایونٹ کی کوریج کے لئے میڈیا پارٹنرز کے علاوہ تمام قومی اور بین الاقوامی چینلز اور اخبار کو دعوت دی جائے گی۔ گورنر محترم عشرت العباد ممکنہ مہمان خصوصی ہوں گے- اس کے علاوہ ملک کی کئی اہم شخصیات اور سیلیبریٹیز کو بھی بطور مہمان یہاں آنے کی دعوت دی جائے گی۔

پاکستان کی تاریخ کے سب سے بڑے اور تاریخی ایونٹ ہونے کی وجہ سے یہاں بڑی تعداد میں لوگوں کی آمد متوقع ہے

رجسٹریشن اور مقابلے میں شرکت کے لیے مندرجہ ذیل ای میل ایڈریس پر میل کریں:
[email protected]