اسکول میں امتحانات کے دوران نقل کرنے کا رجحان عام پایا
جاتا ہے اور یہ نقل مختلف طریقوں اور انداز سے کی جاتی ہے لیکن ہندوستان کی
ریاست بہار میں تو نقل کرنے اور کرانے کا ایک نیا انداز اپنا لیا گیا ہے جو
کسی حد تک جان لیوا بھی ثابت ہوسکتا ہے۔
|
|
بہار میں میٹرک کے امتحانات میں والدین اور دوست اپنے پیاروں کو نقل کروانے
کے لیے اسکول کی عمارت کی دیوار پر چڑھ گئے جہاں نے انہوں نے کھڑکیوں سے کے
ذریعے انہیں نقل کی پرچیاں یا دیگر مواد فراہم کیا- اس عمل کا بنیادی مقصد
تو یہی تھا ان کے پیارے بہترین نمبروں سے پاس ہوسکیں یا پھر کم سے کم پاس
تو ہوجائیں-
نقل کے اس منفرد انداز کی مختلف اخبارات اور انٹرنیٹ پر جاری کی جانے والی
تصاویر اور ویڈیو میں دیکھا جاسکتا ہے کس طرح والدین اور دوست اسکول کی
دیوار پر چڑھ کر باآسانی نقل کا سامان طالبعلموں تک پہنچا رہے ہیں جبکہ ان
افراد کو اپنی زندگی کی بھی کوئی پرواہ نہیں ہے-
نقل کے اس نئے اور خطرناک انداز نے پوری دنیا کو ہی حیران کر کے رکھ دیا ہے-
|
|
ریاست بہار کے وزیر تعلیم کا کہنا ہے کہ “ ہمیں نقل کی رپورٹس موصول ہوئی
ہیں لیکن یہ صرف حکومت کی ذمہ داری نہیں ہے اور جب والدین یا رشتے دار خود
ہی اپنے بچوں کو نقل کروائیں تو پھر حکومت کیا اقدامات کرے؟
تاہم حکام کی جانب سے نقل کرنے والے 515 طالبعلموں کو امتحانات کے لیے
نااہل قرار دے دیا گیا ہے۔ |