لوگوں کی غلط فہمیاں اور ان کی حقیقت

ہم میں سے بیشتر افراد کئی چیزوں کے بارے میں بہت زیادہ معلومات رکھتے ہیں- لیکن ہم یہ جاننے کی کوشش نہیں کرتے کہ یہ معلومات کس حد تک درست ہیں؟ یہی وجہ ہے کہ آج کئی چیزوں کے بارے میں لوگوں کے درمیان ایسی معلومات پائی جاتی ہیں جن کا حقیقت سے دور کا بھی واسطہ نہیں- چند ایسی ہی غلط فہمیوں کا ذکر ہم آج کے آرٹیکل میں کریں گے-
 

چاند زمین سے دور ہورہا ہے:
کیا آپ جانتے ہیں کہ ہر سال چاند اور زمین کا درمیانی فاصلہ بڑھ جاتا ہے؟ جی ہاں یہ حقیقت ہے کہ چاند ہر سال زمین سے 1.5 انچ دور ہوجاتا ہے- لوگوں کی ایک بڑی اکثریت اس حقیقت کو تسلیم نہیں کرتی کیونکہ چاند کے حرکت کرنے کی رفتار انتہائی سست ہے اور اس کو حقیقت واضح ہونے میں کئی ارب سال لگ سکتے ہیں-

اینٹی بائیوٹک صرف جراثیمی انفیکشن کے لیے:
اینٹی بائیوٹک دواؤں کے ذریعے صرف جراثیمی انفیکشن کا علاج ممکن ہوتا ہے لیکن یہ وائرس کے خلاف مددگار ثابت نہیں ہوتیں- اس کے علاوہ اینٹی بائیوٹک آپ کو نہ پرسکون کرسکتی ہے اور نہ ہی تیزی سے صحتیاب- وائرس کے لیے بہتر یہی ہے کہ ڈاکٹر سے رابطہ کیا جائے اور تصدیق ہونے کی صورت میں آرام کریں اور متعدد اقسام کے جوس پئیں-

امریکہ دریافت سے قبل آباد تھا:
لوگوں کی ایک بڑی تعداد سمجھتی ہے کہ امریکہ کرسٹوفر کولمبس نے دریافت کیا تھا لیکن حقیقت یہ ہے کہ وہ امریکہ دریافت کرنے والا پہلا شخص نہیں تھا- حیران کن طور پر متعدد افراد کی جانب سے امریکہ کی دریافت کا کریڈٹ دو ہسپانوی بھائیوں کو دیا جاتا ہے- انہی دو بھائیوں نے کولمبس کو واپس اپنے گھر یورپ تک پہنچنے میں مدد فراہم کی تھی- ان دونوں بھائیوں کا ذکر کولمبس کے سفرناموں میں ملتا ہے اور آج انہیں “The Forgotten Brothers” کے نام سے جانا جاتا ہے-

فیس بک دنیا کا تیسرا بڑا ملک:
کیا آپ جانتے ہیں فیس بک کے اس وقت 1 بلین سے زائد یوزر ہیں؟ اس کا مطلب یہ ہے کہ اگر فیس بک کو ایک ملک تصور کر لیا جائے تو یہ دنیا کا تیسرا سب سے بڑا ملک ہوگا- فیس بک استعمال کرنے والے صارفین کا تعلق دنیا کے تقریباً تمام ممالک سے ہے- اور اس کے صارفین میں عام لوگوں کے علاوہ بڑی بڑی شخصیات اور کمپنیاں بھی شامل ہیں- 2004 میں متعارف کروائی جانے والی اس ویب سائٹ نے بہت تیزی کے ساتھ ترقی کی اور دیکھتے ہی دیکھتے پوری دنیا میں پھیل گئی-

دل کا ٹوٹنا ہاتھی کی موت کا سبب:
اکثر لوگوں کا خیال ہے کہ ہاتھی کے جذبات نہیں ہوتے یا وہ کچھ محسوس نہیں کرسکتا لیکن یہ حقیقت نہیں ہے- شاید آپ نہیں جانتے کہ ہاتھی کا دل ٹوٹ جائے یعنی اداس ہوجائے تو اس کی موت تک واقع ہوسکتی ہے- اور یہ اس وقت ہاتھی کے لیے زیادہ خطرناک ہوتا ہے جب اسے اپنی ماں سے الگ کردیا جائے یا پھر اپنے گروپ علیحدہ ہوجائے-

اسٹرابیری بیری نہیں ہے لیکن کیلا ہے:
یہاں ہم آپ کو دو حقائق بتاتے ہیں٬ پہلا تو یہ کہ اسٹرابیری کوئی بیری نہیں ہے جبکہ دوسرا یہ کہ کیلے کو بیری ہونے کا اعزاز حاصل ہے- بیری کی تعریف یہ ہے کہ ایک بیج سے پیدا ہونے والی اشیا کو بیری کہا جاتا ہے- اور اکثر اوقات ان اشیا کی جلد سخت ہوتی ہے-

آکٹوپس تین دل کا مالک:
آکٹوپس کے تین دل٬ دو آنکھیں اور بازوؤں کے چار جوڑے ہوتے ہیں جبکہ اکثر لوگ سمجھتے ہیں کہ آکٹوپس کا صرف ایک دل ہوتا ہے جس کا سائز بڑا ہوتا ہے- آکٹوپس کئی دلچسپ حقائق کا مالک ہے٬ مثلاً آکٹوپس کا کوئی اندرونی یا بیرونی ڈھانچہ نہیں ہوتا- آکٹوپس سمندر میں کسی جگہ بھی اپنی زندگی گزار سکتا ہے- یہ شکاری جانوروں سے محفوظ رہنے کے لیے مختلف قسم کے راستے اپنا سکتا ہے-