ایسا ہوٹل جہاں رات گزارنا چیلنج سے کم نہیں

جیسے جیسے دنیا ترقی کرتی جارہی ہے مختلف اور منفرد اقسام کے ہوٹل انسان کی ضرورت بنتے جارہے ہیں لیکن کیا آپ کسی ایسے ہوٹل کا تصور کرسکتے ہیں جو کسی ایسے مقام پر تعمیر کیا گیا ہو جو کہ برفانی ہو جبکہ ہوٹل کے اندر کا درجہ حرارت مستقل صفر رہتا ہو-

جی ہاں ایسا ہی ایک ہوٹل برفانی علاقے آرکٹک سرکل میں تعمیر کیا گیا ہے اور دلچسپ بات یہ ہے کہ ہوٹل مکمل طور پر برف سے بنایا گیا ہے-
 

Rovaniemi کے علاقے فنش ٹاؤن میں بنا یہ ہوٹل ہر سال موسم سرما میں سیاحوں کے لیے بنایا جاتا ہے جس میں رہائش اختیار کر کے پرسکون ماحول حاصل کرنے کے ساتھ ساتھ برفباری سے بھی بچ سکتے ہیں-

اگر آپ اس ٹھنڈے ترین ہوٹل میں رات گزارنے میں کامیاب ہوجاتے ہیں تو آپ کو یادگار کے طور پر ایک “ ڈپلومہ “ حاصل ہوتا ہے جو کہ اس بات کا ثبوت ہوتا ہے کہ آپ ٹھنڈے ترین مقام پر ایک رات گزار چکے ہیں-

ہوٹل کی انتظامیہ کی جانب سے سونے کے حوالے سے خاص قسم کے بیگ بھی مہیا کیے جاتے ہیں جو کہ آپ کو ٹھنڈ سے کسی حد تک محفوظ بناتے ہیں-

اس کے علاوہ یہاں آنے والے مہمانوں کو روایتی saunas کی سہولت بھی میسر ہوتی ہے جو کہ اس موسم میں واقعی ایک بڑی مدد کا درجہ رکھتی ہے-

اگر آپ کو خوبصورت Northern Lights ( رنگا رنگ قدرتی روشنیاں ) پسند ہیں تو آپ ہوٹل کے اطراف میں بنائے جانے والے ہاٹ ٹب میں بیٹھ کر خود کو گرم رکھنے کے ساتھ ساتھ ان روشنیوں کا خوبصورت نظارہ بھی کرسکتے ہیں-