دنیا کے بہترین سیاحتی مقامات

دنیا میں انگنت سیاحتی مقام موجود ہیں اور سب ایک سے بڑھ کر ایک ہیں- اگر کہیں خوبصورتی ہے تو کچھ کے ساتھ تاریخ کا گہرا تعلق ہے- لیکن بہت کم لوگ اس بات سے واقف ہیں کہ دنیا کے سب سے بہترین سیاحتی مقامات کون سے ہیں؟ اس حوالے سے ٹرپ ایڈوائزر نام کی ایک ویب سائٹ نے ایک فہرست مرتب کی ہے جس میں دنیا کے بہترین سیاحتی مقامات کی رینکنگ کی گئی ہے- اس درجہ بندی کی بنیاد سال 2013 کے ایسے مقامات پر ہے جو سیاحوں کی توجہ کا مرکز رہے-

دنیا کے بہترین سیاحتی مقامات کی اس فہرست میں سب سے پہلے نمبر پر ترکی کا دارالحکومت استنبول ہے جہاں سیاحوں کو خوبصورت نیلی مسجد ( Blue Mosque ) دیکھنا کا موقع ملتا ہے-

اٹلی کا دارالحکومت روم بہترین سیاحتی مقامات کی اس فہرست میں دوسرے نمبر پر ہے- روم نے فہرست میں یہ مقام نیویارک سے چھینا ہے-

لندن اس سال صرف گزشتہ سال والی پوزیشن کو برقرار رکھنے میں کامیاب رہا باوجود اس کے کہ شاہی خاندان میں آنے والے نئے مہمان کی آمد کے باعث دنیا بھر کی نگاہیں لندن پر مرکوز تھیں- دنیا کے بہترین سیاحتی مقامات کی فہرست میں لندن تیسرے نمبر پر ہے-

دنیا کے سب سے بہترین سیاحتی مقامات کی اس فہرست میں چوتھے نمبر پر چین کا دارالحکومت بیجنگ ہے اور اس کا شمار چین کے سب سے زیادہ آبادی والے شہروں میں کیا جاتا ہے-

فہرست میں پانچواں نمبر چیک ری پبلک کے دارالحکومت Prague کو حاصل ہے- اس شہر میں سیاحوں کی ایک بڑی تعداد Saint Guy Cathedral کو دیکھنے کے لیے آتی ہے-

دنیا کا چھٹا بہترین سیاحتی مقام ہونے کا اعزاز Morocco کے شہر Marrakech کو حاصل ہے جو کہ اپنے خاص عربی اسٹائل کے بازاروں اور مارکیٹوں کی وجہ سے انتہائی مقبول ہے-

پیرس گزشتہ سال دنیا کے بہترین سیاحتی مقامات کی اس فہرست میں پہلے نمبر پر تھا لیکن اس کے درجوں اس تنزلی دیکھنے میں آئی ہے کہ یہ اب ساتویں نمبر پر ہے-

آٹھواں نمبر Hanoi کے Halong Bay کو حاصل ہوا ہے اور اسے دنیا کے مقبول ترین سیاحتی مقامات میں سے ایک سمجھا جاتا ہے- اس مقبولیت کی بڑی وجہ سمندر میں موجود چٹانیں اور ان کو کراس کرتے جہاز ہیں-

Siem Reap کبموڈیا کا ایک خوبصورت شہر ہے جو کہ Siem Reap نامی صوبے میں ہی واقع ہے- فہرست میں اسے نواں نمبر حاصل ہے اور اس شہر زیادہ تر سیاح Angkor Wat نامی اس تاریخی عمارت کو دیکھنے آتے ہیں-

دنیا کے بہترین سیاحتی مقامات کی اس فہرست میں چین کے دو شہر موجود ہیں٬ ایک کا ذکر اوپر ہم کرچکے جبکہ دوسرا شنگھائی ہے اور اسے فہرست میں دسواں نمبر حاصل ہے-

< Previous دنیا کے ناقابلِ فراموش مقامات NEXT > ہوٹل جہاں رات گزارنا چیلنج سے کم نہیں