دنیا کے امیر ترین سیاستدان

کون کہتا ہے کہ سیاستدان عوام کی خدمت کے لیے منتخب ہوتے ہیں؟ یہ صرف پیسے کے لیے آتے ہیں- اگر آپ اپنے اردگرد غور کریں تو آپ کو دکھائی دے گا کہ دنیا کے امیر ترین افراد میں سے 60 فیصد کا تعلق سیاست کے میدان سے ہے- یہاں ہم ذکر کریں گے سال 2013 کے دنیا کے سب سے امیر ترین سیاستدانوں کا-
 

Silvio Berlusconi
اٹلی کے سیاست دان Silvio Berlusconi اس فہرست میں دسویں نمبر پر ہیں- یہ ایک میڈیا پرسن اور کاروباری شخصیت بھی ہیں- Silvio نے اپنے کاروباری کیریر کا آغاز 1960 میں 4 ہزار رہائشی اپارٹمنٹس بنا کر کیا- اس کے بعد 1973 میں انہوں نے چھوٹی سی کیبل ٹیلیویژن کمپنی کی بنیاد رکھی- اور یہ کمپنی تب تک رہی جب تک کہ 1994 میں انہوں نے اپنی سیاسی کیریر کا آغاز نہیں کیا- ان کے کُل اثاثوں کی مالیت 7.8 بلین ڈالر ہے-

Serge Dassault
فہرست میں نویں نمبر پر فرانس کے سیاستدان Serge Dassault ہیں- ان کے کُل اثاثوں کی مالیت 8 بلین ڈالر ہے- Serge کا شمار روایتی سیاستدانوں میں کیا جاتا ہے لیکن یہ ایک کاروباری شخصیت کے مالک بھی ہیں- جبکہ انہیں سیاسی میدان میں کافی فعال سمجھا جاتا ہے-

Zong Qinghou
Hangzhou Wahaha گروپ کے چئیرمین اور چیف ایگزیکٹو Zong Qinghou کو اس فہرست میں آٹھواں نمبر حاصل ہے- یہ ایک چینی تاجر ہیں اور انہیں چین کی امیر ترین شخصیت کے طور پر بھی جانا جاتا ہے- ان کے کُل اثاثوں کی مالیت 10.8 بلین ڈالر ہے- زونگ چین کی نیشنل پیپلز کانگریس کے مندوب بھی ہیں-

Savitri Jindal
ساتویں نمبر پر ہیں ساوتری جندل جو کہ جندل گروپ کی غیر فعال چئیرپرسن اور انڈیا کی قانون ساز اسمبلی “ ہریانہ ودھا سبا“ کی رکن ہیں- ان کے اثاثوں کی کُل مالیت 13.2 بلین ڈالر ہے- ساوتری کو انڈیا کی امیر ترین خاتون کے طور پر بھی جانا جاتا ہے -

Vladimir Putin
پوٹن 7 مئی 2012 کو روس کے صدر منتخب ہوئے- انہوں نے اپنے سیاسی کیریر کا آغاز 1999 میں کیا اور اس کے بعد انہوں نے متعدد گھریلو٬ اقتصادی٬ صنعتی٬ آرکٹک٬ ماحولیاتی اور مذہبی پالیسیاں پیش کیں- ان کی 40 بلین ڈالر کی سرمایہ کاری اور 1 لاکھ 80 ہزار ڈالر کی بچت نے انہیں اس دنیا کا چھٹا امیر ترین سیاستدان بنا دیا ہے-

Khalifa Bin Zayed Al Nahyan
ابوظہبی کے حکمران اور یو اے ای کے صدر خلیفہ بن زیاد ال نہیان اس فہرست میں پانچویں نمبر پر ہیں- ان کے کُل اثاثوں کی مالیت 18 بلین ڈالر ہے- اپنے والد کی وفات کے بعد صدر بنے اور 2004 میں یو اے ای پر حکمرانی کا آغاز کیا-

Sonia Gandhi
بھارت کے سابقہ وزیر اعظم کی بیوہ سونیا گاندھی اٹلی میں پیدا ہوئیں- 1998 میں انڈیا کی نیشنل کانگریس پارٹی کی صدر بنیں- اگرچہ شوہر کے قتل کے بعد 1991 میں ان پر پارٹی کو جوائن کرنے کے لیے بہت دباؤ ڈالا گیا لیکن 1997 تک انہوں نے اسے قبول نہیں کیا- ان کے کُل اثاثوں کی مالیت 19.2 بلین ڈالر ہے اور یہ فہرست میں چوتھے نمبر پر ہیں-

Michael Bloomberg
یہ ایک فلاحی کارکن٬ سیاستدان اور امریکہ کی ایک کاروباری شخصیت ہیں اور فہرست میں تیسرے نمبر پر ہیں- انہوں نے ہارورڈ یونیورسٹی سے گریجویشن کی ہے اور اس وقت یہ Bloomberg LP کے مالک ہیں- Bloomberg LP انفارمیشنل اور نیوز چینل کمپنی ہے- ان کے کُل اثاثوں کی مالیت 19 بلین ڈالر سے زیادہ ہے-

Hassanal Bolkiah
ان کے کُل اثاثوں کی مالیت 20 بلین ڈالر ہے اور یہ دنیا کے دوسرے امیر ترین سیاستدان ہیں- یہ برونائی کے 29ویں سلطان ہیں- انہوں نے خارجہ امور کے حوالے مختلف پالیسیاں نافذ کی ہیں اور کامیاب ترین حکومت چلانے کے حوالے سے بھی مقبول ہیں-