آئی سی سی چیمپنز ٹرافی کے لئے اسپائیڈر کیمرہ استعمال
ہورہا ہے اور ماہرین اسپائیڈر کیمرے کو ڈرون قرار دے رہے ہیں۔ بعض کا کہنا
ہے کہ یہ ہیلی کاپٹر کا بھی کام کر رہا ہے۔
|
|
جنگ نیوز کی رپورٹ کے مطابق آئی سی سی چیمپنز ٹرافی کے لئے اسپائیڈر کیمرہ
استعمال ہورہا ہے۔جو میدان کے اوپر آپریٹ کرتا ہے۔ تار کے سہارے اسے ریموٹ
سے کنٹرول کیا جاتا ہے۔ لیکن ٹورنامنٹ کی پلے انگ کنڈیشن کے مطابق اگر
بیٹنگ کے دوران کسی بیٹسمین کا اسٹروک کیمرے سے ٹکراتا ہے تو گیند کو ڈیڈ
قرار دے دیا جائے گا۔ حالانکہ جتنی بلندی پر یہ کیمرہ ہے اس پر بیٹسمین کو
دس رنز ملنا چاہیے۔
سابق انگلش کپتان ایلک اسٹیورٹ نے اس کیمرے کو غیر ضروری قرار دیا ہے۔انہوں
نے کہا کہ اگر میں کھیل رہا ہوتا تو یہ کیمرا میری توجہ بانٹتا۔ اسٹیورٹ کا
کہنا ہے کہ اس سے کبھی کوئی کھلاڑی حادثے کا شکار ہوسکتا ہے۔ اگر کہیں یہ
کیمرا گر گیا تو کھلاڑی زخمی ہوسکتا ہے۔
|
|
ویسٹ انڈیز کے مشہور کمنٹیٹر ٹونی کوزیئر نے اس کیمرے کو ڈرون قرار دیا
ہے۔ان کا کہنا ہے کہ جس دن یہ ڈرون کسی کھلاڑی پر گر گیا تو اس سے بڑا
حادثہ رونما ہوسکتا ہے۔
|