|
دل کا معاملہ دل کے اسپتال تک جا پہنچا٬ جی ہاں گزشتہ روز
کراچی میں واقع دل کی بیماریوں کے سب سے بڑے اسپتال میں داخل ایک مریض کی
شادی کی تقریب کا انعقاد کیا گیا-
دولہا 25 سالہ ماجد اسلم کو بدھ کے روز مہندی کی تقریب کے بعد سینے میں
تکلیف محسوس ہوئی جس کے بعد اسے عباسی شہید اسپتال لے جایا گا- تاہم عباسی
شہید کے ڈاکٹر نے ماجد کو کراچی انسٹیٹیوٹ آف ہارٹ ڈیسیز جانے کا مشورہ دیا
جہاں اسے بجلی کے جھٹکے دیے گئے-
|
|
|
|
جس کے بعد کراچی انسٹیٹوٹ آف ہارٹ ڈیسیز نے بھی ماجد کو کراچی کے دل کی
بیماریوں کا علاج کرنے والے سب سے بڑے اسپتال NICVD کی جانب روانہ کردیا-
NICVD کے ڈاکٹر حمید اﷲ کے مطابق نوجوان کو ہلکی نوعیت کے کئی ہارٹ اٹیک
ہوچکے ہیں- تاہم اس وقت نوجوان کی طبعیت خطرے سے باہر ہے-
ڈاکٹر کی تصدیق کے ماجد کے خاندان نے اسپتال انتظامیہ سے درخواست کی کہ
انہیں اجازت دی جائے کہ وہ اسپتال میں ہی ماجد کے نکاح کی تقریب کا انعقاد
کر لیں-
|
|
|
|
اسپتال انتظامیہ کی جانب سے اس شرط پر اجازت دی گئی کہ اسپتال کے ماحول میں
کوئی رکاوٹ پیدا نہ ہو-اجازت ملنے کے بعد جمعہ کے روز ہی ماجد کا نکاح
اسپتال میں ہی پڑھوا دیا گیا-
اس تقریب کے موقع پر ماجد کے کمرے اور اسپتال کو سجایا بھی گیا جبکہ اس
موقع پردلہن کو بھی اسپتال لایا گیا-
|