|
ملیے دنیا کے معمر ترین جوڑے سے، اس جوڑے نے اپنی شادی کی
90ویں سالگرہ گزشتہ دنوں بریڈ فورڈ میں منائی۔ فی زمانہ جب سروے رپورٹس یہ
ظاہر کررہی ہوں کہ دنیا میں طلاق کی شرح بڑھتی جاری ہے، ایسے میں اس معمر
جوڑے کی طویل ازدواجی رفاقت دنیا کے لیے ایک مثال ہے۔بھارت نژاد کرم چنداور
کتری چند نے گزشتہ روز اپنی شادی کی 90ویں سالگرہ منائی۔
|
|
|
|
کرم اور کتری چند کی شادی برٹش انڈیا میں 11دسمبر 1925 کو ایک سکھ گردوارے
میں ہوئی تھی۔یہ وہ دور تھا جب بھارت برطانیہ کے زیر نگین تھا۔
معمر جوڑے کا کے مطابق انہوں نے اپنی پوری زندگی ہنسی خوشی گزاری ہے، اور
وقت کے ساتھ ساتھ ان کی خوشی میں اضافہ ہی ہوتا جارہا ہے۔ دو سال قبل جب اس
جوڑے نے شادی کی 88ویں سال گرہ منائی تھی تو اس وقت بھی یہ دنیا کا معمر
ترین اور قدیم ترین جوڑا ہی تھا، اب انہوں نے شادی کی 90ویں سال گرہ منا کر
ایک اور مثال قائم کی ہے۔
|
|
|
|
کرم چند نے اپنی طویل طرین ازدواجی زندگی کے خوشگوار ہونے کا راز بتاتے
ہوئے کہا کہ ایک دوسرے سے کبھی کچھ نہ چھپاؤ اور بیوی سے بحث سے نہ
کرو۔انہوں نے کہا کہ یہ اوپر والے کا ہی کرم ہے کہ اس نے اتنے عرصے تک
ہمارا رشتہ کامیابی سے نبھانے میں مدد کی۔آج اپنی شادی کی 90ویں سالگرہ
مناتے ہوئے ہم بہت خوش ہیں۔
کرم چند کا کہنا تھا کہ ہماری فیملی کو یکجا ہونے کا موقع ہماری اور ہماری
شادی کی سالگرہ کی پر ملتا ہے اور ہم اس پر خوب خوشیا ں مناتے ہیں۔
|
|
|
برطانیہ کے ساتھ ساتھ کینیڈا،انڈیا اور دنیا کے مختلف ملکوں میں رہنے والے
ان کے رشتہ دار بھی سالگرہ کی اس تقریب میں شرکت کرنے آئے تھے۔
کرم چند اور کتری چند 1965میں برطانیہ آئے تھے۔ان کی اولادوں میں 8
بچے،27پوتے پوتیاں اور نواسے نواسیاں جبکہ 23پڑپوتے پوتیاں اور پڑ نواسے
نواسیاں ہیں۔ کرم چند آج کل اپنے سب سے چھوٹے بیٹے کے گھر میں اس کی بیوی
اور 4بچوں کے ساتھ رہائش پذیر ہیں۔
|
|
|
ہماری بھی دعا ہے کہ اﷲ تعالیٰ اس جوڑے کو آخری سانس تک خو ش و خرم رکھے۔ |