|
سمندری دنیا یوں تو دیکھنے میں انتہائی مسحور کن اور دلکش
نظر آتی ہے اور بعض اوقات تو صرف سمندر کا نظارہ ہی عام افراد کے دل میں
اتر جاتا ہے- لیکن اس خوبصورت اور حسین دنیا میں کئی ایسے جانور بھی پائے
جاتے ہیں جو حیرت انگیز صلاحیتوں مالک ہوتے ہیں- انہی باصلاحیت جانوروں میں
قابلِ ذکر جن حیران کن قسم کی مچھلیاں بھی شامل ہیں جن کا ذکر آج ہم اپنے
اس آرٹیکل میں کریں گے-
|
|
|
الیکٹرک اِیل نامی یہ مچھلی اپنے دفاع کے لیے دشمن کو چھ سو وولٹ بجلی کا
جھٹکا دینے کی صلاحیت رکھتی ہے- جنوبی امریکہ کے پانیوں میں پائی جانے والی
اس مچھلی کو چاقو مچھلی کے نام سے بھی جانا جاتا ہے-
|
|
|
بینڈیڈ آرچر فش نامی یہ مچھلی کھارے پانی میں پائی جاتی ہے اور اسے شکاری
مچھلی بھی کہا جاتا ہے کیونکہ یہ اپنے شکار کو نشانہ بنانے کے لیے منہ سے
تیز دھار پانی نکالتی ہے-
|
|
|
سٹار گیزر نامی اس مچھلی کے کانٹے انتہائی زہریلی ہوتے ہیں اور یہ اپنے
شکار کو ریت کی تہہ میں چھپ کر نشانہ بناتی ہے- شکار کے قریب آتے ہی تیزی
سے اس پر حملہ آور ہوجاتی ہے-
|
|
|
سٹون فش کو سنگ ماہی بھی کہا جاتاہے اور یہ دنیا کی زہریلی ترین مچھلیوں
میں سے ایک ہے- یہ خود کو بہت چالاکی سے چھپا سکتی ہے-
|
|
|
پفر فش کی صلاحیتوں کے بارے میں سن کر آپ ضرور حیران رہ جائیں گے- یہ مچھلی
جب خطرہ محسوس کرتی ہے تو اپنے پیٹ میں پانی بھر کر اپنی شکل تبدیل کرلیتی
ہے جبکہ اس عمل کے دوران اس کے جسم سے ایسا زہریلا مادہ خارج ہوتا ہے جو
اسے شکار بننے سے محفوظ بناتا ہے-
|
|
|
اینگلر فش کو ماہی گیر مچھلی کہا جاتا ہے جبکہ اس کا شکار کا طریقہ بھی
انتہائی عجیب و غریب ہے- یہ مچھلی شکار کو الیسیم کے ذریعے پکڑتی ہے۔
الیسیم اس مچھلی کے سر پر لگا ہوا چھوٹا سا راڈ ہوتا ہے جو روشن ہو جاتا ہے
اور چھوٹی مچھلیوں کو دلکش معلوم ہوتا ہے۔ چھوٹی مچھلیاں جیسے ہی قریب آتی
ہیں اس کا شکار بن جاتی ہیں-
|
|
|
|
وائپر فش کے دانت انتہائی تیز جبکہ منہ کا سائز انتہائی بڑا ہوتا ہے- یہ
مچھلی سمندر کی گہرائی میں پائی جاتی ہے اور اپنے تیز دانتوں کے باعث
خطرناک قرار دی جاتی ہے- یہی وجہ ہے کہ اس کے شکار کے وقت شکاری کو چوکنا
رہنے کی ضرورت ہوتی ہے- |