اس میں کوئی شک نہیں کہ اس وقت پاکستان کا تعلیمی نظام
کسی حد تک بدحالی کا شکار ہے مگر اس کے باوجود اس حقیقت سے بھی انکار ممکن
نہیں کہ ہماری قوم تعلیم کے شعبے میں بھی ترقی کے لیے کوشاں ہے-
اس کی ایک جھلک ہمیں QS کی جانب سے کی جانے والی دنیا بھر کی یونیورسٹیوں
کی عالمی درجہ بندی میں بھی دکھائی دیتی ہے-
|
|
کیو ایس ورلڈ یونیورسٹی رینکنگ سال 2015-16 کے مطابق پاکستان کی چند نامور
یونیورسٹیوں کو ان کے اعلیٰ معیار کی بنیاد پر دنیا کی 800 بہترین
یونیورسٹیوں میں شامل کیا گیا ہے-
خوش قسمتی سے ہمارے ملک کی 10 یونیورسٹیوں کو ایشیا کی 300 بہترین
یونیورسٹیوں میں شامل کیا گیا ہے اور یہ اعزاز پاکستانی عوام کے لیے نہ صرف
قابلِ فخر ہے بلکہ یہ پاکستان کے اعلیٰ تعلیمی نظام کے حصول کے لیے کی جانے
والی کاوشوں کی عکاسی بھی کرتا ہے-
مندرجہ ذیل پاکستانی یونیورسٹیوں کو ایشیا کی بہترین یونیورسٹیوں میں شامل
کیا گیا ہے اور یہاں ان کے ناموں کے ساتھ ان کی رینکنگ بھی دی جارہی ہے:
Pakistan Institute of Engineering & Applied Sciences (PIEAS) Islamabad-
Rank 115
Quaid-e-Azam University Islamabad- Rank 116
Aga Khan University Karachi – Rank 117
National University of Sciences and Technology (NUST) Islamabad – Rank
119
Lahore University of Management Sciences (LUMS) – Rank 161
COMSATS Institute of Information Technology Islamabad – Rank 201-250
University of The Punjab Lahore – Rank 201-250
University of Agriculture Faisalabad – Rank 251-300
University of Engineering and Technology Lahore (UET) – Rank 251-300
University of Karachi – Rank 251-300
|
|
لیکن بات یہیں ختم نہیں ہوتی بلکہ یونیورسٹیوں کی عالمی درجہ بندی کرنے
والے اس ادارے کی جانب سے ایشیا کے علاوہ دنیا بھر کی بہترین یونیورسٹیوں
کی فہرست میں بھی 6 پاکستانی یونیورسٹیوں کو شامل کیا گیا ہے- اس عالمی
ادارے نے دنیا بھر کی 3551 یونیورسٹیوں کی کارکردگی کو جانچا جن میں سے 894
کو دنیا کی بہترین یونیورسٹیاں قرار دیا گیا- 500 سے لے کر 800 بہترین
یونیورسٹیوں کے درمیان پاکستان کی 6 یونیورسٹیوں کو شامل کیا گیا ہے- دنیا
کی بہترین یونیورسٹیوں میں شامل 6 پاکستانی یونیورسٹیوں کے نام مندرجہ ذیل
ہیں-
National University of Sciences and Technology (NUST) Islamabad
Quaid-e-Azam University Islamabad
Lahore University of Management Sciences (LUMS)
University of Engineering and Technology (UET) Lahore
University of Karachi
University of Lahore |