|
پاکستان کرکٹ بورڈ کی جانب سے پاکستانی کھلاڑیوں پر ڈبنگ
کے مشہور سافٹ وئیر ڈب سمیش کے استعمال یا پھر ڈانسنگ وغیرہ پر مبنی اپنی
ویڈیو تخلیق کرنے پر پابندی عائد کر دی گئی ہے-
|
|
|
|
پی سی بی نے کھلاڑیوں کو وارننگ جاری کی ہے کہ وہ کسی بھی دورے کے دوران
اپنی مزاحیہ یا رقص پر مبنی ویڈیو تخلیق کر کے سوشل میڈیا پر شئیر کرنے سے
گریز کریں ورنہ کاروائی کی جائے گی-
بظاہر پی سی بی حکام نے شعیب ملک اور ثانیہ مرزا کی جانب سے بنائی جانے
والی مشہور ڈب سمیش ویڈیو کو بھی پسند نہیں کیا تھا- یہ ویڈیو کولمبو میں
سری لنکا کے خلاف ہونے والے ایک روزہ میچوں پاکستان کی فتح کے موقع پر
تخلیق کی گئی تھی-
ذرائع کے مطابق “ پی سی بی حکام کی جانب سے اس ویڈیو میں شامل تمام
کھلاڑیوں کے اس عمل کی مذمت کی گئی تھی اور انہیں آگاہ کیا گیا تھا کہ اگر
دوبارہ یہ سب کچھ ہوا تو کھلاڑیوں کو کرکٹ دورے کے دوران ہی واپس بھیجا
جاسکتا ہے“-
|
|
|
شعیب ملک اور ثانیہ مرزا کی اس ڈب میش ویڈیو میں دیگر کھلاڑیوں میں احسان
عادل٬ بابر اعظم٬ مختار احمد اور محمد عرفان شامل تھے- |