پرانا پاکستان نایاب تصاویر کے آئینے میں - حصہ دوئم

آج ایک مرتبہ پھر ہم ذکر کریں گے پرانے پاکستان کا- گزشتہ ہفتے ہماری ویب نے آپ کو ماضی کی چند نایاب اور یادگار تصاویر کے ذریعے پاکستان کے ایک انتہائی سنہرے دور کی چند جھلکیاں دکھائی تھیں- آج کا آرٹیکل بھی اسی سلسلے کی ایک کڑی ہے جس میں چند مزید نایاب تصاویر پیش کررہے ہیں- ہمیں امید ہے کہ گزشتہ کاوش کی مانند آپ کو ہماری آج کی یہ کوشش بھی ضرور پسند آئے گی-

ملکہ الزبتھ دوئم اور پرنس فلپ سوات کے ولی میاں گل عبدالحق جہانزیب کے ساتھ٬ جبکہ عقب قدرت اﷲ شہاب کو بھی دیکھا جاسکتا ہے- یہ تصویر سوات میں 1962 میں کھینچی گئی تھی-

1968 کے اخبارات میں شائع ہونے والا کوکا کولا کا اشتہار- یہی اشتہار اس وقت امریکی اخبارات میں بھی شائع کیا جاتا تھا-

یہ تصویر حیدرآباد شہر کے سول ہاسپٹل کی ہے جو کہ 1940 کی دہائی میں کھینچی گئی تھی-

کراچی ڈاؤ میڈیکل کالج کے طلبا اپنی کلاس اٹینڈ کرنے جارہے ہیں- یہ یادگار تصویر 1975 میں کھیںچی گئی-

پاکستان کی سابقہ وزیراعظم بے نظیر بھٹو اور اپنے وقت کی مشہور گلوکارہ نازیہ حسن کی ایک یادگار تصویر-

میڈم نورجہاں ریڈیو پاکستان پر گانا ریکارڈ کروا رہی ہیں- یہ تصویر 1963 میں کھینچی گئی-

ذوالفقار علی بھٹو اور لیبیا کے ڈکٹیٹر معمر قذاقی لاہور میں- یہ تصویر لاہور میں منعقد ہونے والی او آئی سی کی ایک کانفرنس کے دوران کھینچی گئی-

پاکستان کے سابق صدر جنرل ایوب خان بھارت کے وزیراعظم جواہر لعل نہرو کے ساتھ-

امریکی اور یورپی سیاح زیارت کے ایک ہوٹل میں مقامی افراد کے ساتھ بیٹھے ہیں- یہ وہ دور تھا جب پاکستان میں سیاحت اپنے عروج پر تھی- یہ تصویر 1973 میں کھیںچی گئی-

1975 میں ایک مغربی سیاح صوبہ خیبرپختونخواہ میں موجود ہے جہاں اس نے مقامی لباس پہن رکھا ہے-

1982 کا ایک یادگار منظر جب پاکستان نے ہاکی ورلڈ کپ میں فتح حاصل کی-

دسمبر 1976 میں پاکستان کی کرکٹ ٹیم جب نیوزی لینڈ سے مقابلہ تھا- کھڑے ہوئے کھلاڑیوں میں ہارون راشد٬ شاہد اسرار٬ عمران خان٬ سرفراز نواز٬ سکندر بخت٬ جاوید میانداد٬ محسن خان اور صادق محمد شامل ہیں جبکہ بیٹھے ہوئے کھلاڑیوں میں ماجد خان٬ ظہیر عباس٬ مشتاق محمد (کپتان)٬ آصف اقبال اور انتخاب عالم شامل ہیں-