بھاگ کر شادی کرنے کے واقعات تو اکثر خبروں کی زینت بنتے
رہتے ہیں لیکن اس جوڑے کے بارے میں کیا کہیں گے جس نے بھاگتے بھاگتے ہی
شادی کرلی؟ جی ہاں حال ہی میں ایسا ہی ایک دلچسپ واقعہ پیش آیا ہے لندن میں
ہونے والے ایک سالانہ دوڑ کے مقابلے کے دوران-
لندن میں منعقد کیے جانے والے اس سالانہ دوڑ کے مقابلے کے بعض شرکاء نے
عجیب و غریب روپ دھار رکھے تھے-
|
|
اس دلچسپ دوڑ کے مقابلے میں کوئی بوتل کا روپ دھارے ہوئے تھا تو کوئی
آئرمین کا لباس پہنے ہوئے تھا جبکہ ہر کوئی آگے نکلنے کی کوشش کر رہا تھا-
اسی دوران ایک جوڑے نے ہمیشہ کے لیے ایک دوسرے کے ساتھ چلنے کا فیصلہ کرلیا
اور ریس کے دوران دونوں ایتھلیٹ لورا ہاروے اور پال ایلیٹ نے شادی کرلی اور
دوبارہ ریس کی اختتامی لائن کی جانب روانہ ہوگئے-
پال کا کہنا ہے کہ “ لوگ اسے پاگل پن قرار دے رہے ہیں جبکہ ہم کچھ مختلف
کرنا چاہتے تھے“-
|