|
شاید اس ڈچ جوڑے نے کبھی یہ سوچا بھی نہ ہوگا کہ ان کے
ہنی مون کے غرض سے گزارے جانے والے سری لنکا میں چند دن ہمیشہ کے لیے
یادگار بھی بن سکتے ہیں- اور یاد بھی ایسی کہ جب بھی آئے رونگھٹے کھڑے کردے
کیونکہ ان کے ساتھ وہ حادثہ پیش آیا جس میں جان کا بچنا صرف ایک معجزہ ہی
ہے-
|
|
|
|
بین الاقوامی میڈیا کی رپورٹ کے مطابق ایک 35 سالہ ڈچ شہری Mamitho Lendas
اپنی نئی دلہن کے ہمراہ سری لنکا آیا ہوا تھا جہاں انہوں نے مقبول ترین
چوٹی جسے “ دنیا کی آخری چوٹی “ کہا جاتا ہے کی سیر کا فیصلہ کیا-
4 ہزار فٹ کی بلندی پر واقع اس چوٹی پر کھڑے ہو کر ڈچ شہری نے ان قدرتی
مناظر کے ساتھ ساتھ اپنی بیوی کی تصویر کھینچنے کا ارادہ کیا اور اسی دوران
جب تصاویر کھینچنا شروع کی تو ڈچ شہری اپنا توازن برقرار نہ رکھ سکا اور
ہزاروں فٹ بلند پہاڑ سے نیچے گر گیا-
تاہم خوش قسمتی سے وہ 1300 فٹ نیچے گرنے کے بعد ایک درخت میں جا پھنسا اور
اسے وہاں سے سری لنکن فوج نے بحفاظت نکال کر ہیلی کاپٹر کے ذریعے اسپتال
پہنچایا-
|
|
|
سری لنکن آرمی کے بریگیڈئیر جے ناتھ جویرا اسے ایک خوش قسمت انسان قرار
دیتے ہیں اور ان کا کہنا ہے کہ اس مقام سے گر کر زندہ بچنے والا یہ پہلا
شخص ہے جبکہ اس سے قبل متعدد افراد اس مقام سے گر اپنی جان گنوا چکے ہیں- |