ہمارے روشن مستقبل کے ذمہ دار طلبا٬ خصوصی انٹرویو

ایک موقع پر قائد اعظم نے نوجوان طلبا سے خطاب کرتے ہوئے فرمایا: ’’میں آج آپ سے سربراہ مملکت کی حیثیت سے نہیں بلکہ ذاتی دوست کی حیثیت سے مخاطب ہوں۔ میرے دل میں نوجوانوں خصوصاً طالب علموں کی بڑی قدر و منزلت ہے۔ آپ پر قوم اور والدین کی طرف سے بھاری ذمے داریاں عائد ہوتی ہیں۔ ہم سب کا فرض ہے کہ متحد ہوکر ملکی تعمیر و ترقی میں مصروف ہوجائیں۔‘‘

واقعی اس میں کوئی شک نہیں ہے کہ ہمارے روشن مستقبل کی ذمے داری ہمارے آج کے طالبعلموں کے کاندھوں پر ہے- لیکن ہمارا کل سنوارنے میں وہی طالبعلم کامیاب ہوں جو آج تعلیمی میدان میں کامیابیاں سمیٹیں گے- چند ایسے ہی کامیاب طلبا اس وقت سامنے آئے جب کراچی انٹرمیڈیٹ بورڈ نے کامرس کے سالانہ امتحانات برائے 2014 ریگولر اور پرائیوٹ گروپ کے نتائج کا اعلان کیا- یہ پوزیشن ہولڈر طالبعلم دوسرے طلبا کے لیے ایک زندہ مثال ہیں- ہماری ویب نے ان طلبا سے خصوصی بات چیت کی جو کہ اب آپ کے پیشِ خدمت ہے-

سب سے پہلے ہم بات کریں گے کامرس گروپ پرائیوٹ میں پہلی پوزیشن حاصل کرنی والا طالبہ وراثہ اسلم سے جنہوں نے 1100 میں سے 844 نمبر حاصل کر کے اے گریڈ حاصل کیا:
 

ہماری ویب: پوزیشن حاصل کرنے پر کیا احساسات ہیں؟
وراثہ اسلم= بہت اچھا محسوس ہورہا ہے- اﷲ لاکھ لاکھ شکر ہے کہ میں نے پہلی پوزیشن حاصل کی ہے- میرے والدین کی دعاؤں اور اساتذہ کی محنت کا نتیجہ ہے کہ آج اس مقام پر کھڑی ہوں-

ہماری ویب: کیا اس سے قبل بھی آپ نے کسی کلاس میں پوزیشن حاصل کی ہے؟
وراثہ اسلم= اسکول میں ریکنگ میں رہتی تھی ہمیشہ

ہماری ویب: کیا کوچنگ بھی جوائن کیا ہے؟
وراثہ اسلم= جی ہاں کوچنگ بھی جوائن کیا-

ہماری ویب: آپ نے کامرس کا ہی انتخاب کیوں کیا؟
وراثہ اسلم= میری ذاتی دلچسپی تھی اس میں-

ہماری ویب: آئندہ زندگی میں کیا کرنے کا ارادہ رکھتی ہیں؟
وراثہ اسلم= بی کام کے بعد سی اے کروں گی-

ہماری ویب: آپ کے والدین کیا کرتے ہیں؟
وراثہ اسلم= میرے والد پرائیوٹ اسکول میں ملازم ہیں جبکہ والدہ ہاؤس وائف-

ہماری ویب: آپ کی نظر میں ملک کا سب سے بڑا مسئلہ کیا ہے؟
وراثہ اسلم= میرے نزدیک ٹارگٹ کلنگ پاکستان کا سب سے بڑا مسئلہ ہے-

ہماری ویب: اگر آپ کو ایک دن کے لیے وزیر اعظم بنا دیا جائے تو پہلا کام کیا کریں گے؟
وراثہ اسلم= سب سے پہلے ملک سے ٹارگٹ کلنگ کا خاتمہ کروں گی-

ہماری ویب: آپ کے خیال میں کیا پاکستان میں دوہرے تعلیمی نظام یعنی کیمبرج سسٹم کا ہونا درست ہے؟
وراثہ اسلم= کیمرج سسٹم ہونا چاہیے کیونکہ جو جس طرح پڑھنا چاہتا ہے اسے ویسی ہی سہولت میسر ہونی چاہیے

ہماری ویب: آپ کے خیال کونسی ایسی سہولت ہے جو حکومت کی جانب سے طالبعلموں کو لازمی مفت فراہم کی جانی چاہیے؟
وراثہ اسلم= نصاب کی کتابیں مفت ہونی چاہئیں-

ہماری ویب: آپ دوسرے طالبعلموں کو تعلیم میں نمایاں کامیابی حاصل کرنے کے لیے کیا پیغام دیں گیں؟
وراثہ اسلم= زیادہ سے زیادہ وقت اپنی پڑھائی کو دیں اور فالتو کاموں کو نظر انداز کریں-

اب ہم بات کرتے ہیں کامرس گروپ ریگولر میں پہلی پوزیشن حاصل کرنے والے خوش نصیب طالبعلم اشیش کمار سے جنہوں نے 1100 میں سے 930 نمبر لے کر اے ون گریڈ حاصل کیا: