ماضی کی نیوز کاسٹر اسپین کی نئی ملکہ

صحافت کے شعبے سے وابستہ افراد اپنے اثر و رسوخ اور معلومات کے ذریعے سے کسی کو بھی “ بادشاہ “ بنانے کے حوالے سے تو مشہور ہیں ہی لیکن اب تو خود ایک نیوز اینکر اسپین کی ملکہ بننے جارہی ہیں-

شہزادی لٹیشیا اوٹیز اسپین میں اپنے شوہر شہزادہ فیلپ کی جمعرات کے روز تاج پوشی کے بعد افسانوی شہرت کے حامل ہسپانیہ کی ملکہ بن جائیں گے۔
 

لٹیشیا اوٹیز سنہ 1972ء میں شمالی سپین کے نیم خود مختار صوبے آسٹوریئس کے شہر اویئیڈو میں پیدا ہوئیں-

لٹیشیا واشنگٹن سے نائن الیون کی تباہی کی خبریں دنیا تک پہنچانے والی ایک نیوز اینکر کے طور پر پہنچاتی جاتی رہی ہیں۔ دو برس بعد انہوں نے عراق پر امریکی حملے کی خبریں بھی دنیا تک پہنچائیں۔

اس کے علاوہ عراقی شہر بصرہ میں بھی مقیم رہیں، جہاں انہوں نے اسلام اور اس کی عبادت گاہوں کا تعارف حاصل کیا۔ یہیں انہوں نے سر پوش اوڑھنے کا منفرد تجربہ بھی کیا، لیکن اب جمعرات کو وہ اسی سر پر اسپین کی ملکہ کا تاج سجا کر زندگی کا ایک نیا دور شروع کرنے جا رہی ہیں۔

ان کے شوہر اور اسپین کے نئے بادشاہ کی رسم تاجپوشی کو فٹبال ورلڈ کپ کی ہمہ ہمی میں بھی دنیا بھر کے کڑوروں افراد اپنی ٹی وی سکرینز پر دیکھ سکیں، جہاں کبھی ماضی کی نیوز کاسٹر لٹیشیا جلوہ گر ہوا کرتی تھیں۔