بچے نے رلا دیے والدین کو خون کے آنسو

بچوں کو کاغذ پھاڑنے کی اجازت دینا کبھی کبھار بہت بھاری بھی پڑ سکتا ہے بلکہ دل کا دورے کا بھی سبب بن سکتا ہے- اب پتا نہیں اسے دلچسپ کہیں یا پھر افسوسناک مگر اپنے گھر میں پرانی کتابیں پھاڑنے کی اجازت رکھنے والے چینی بچنے نے اپنے والدین کے ہوش اس وقت اڑا دیے جب اس نے اپنے خاندان کی زندگی بھر کی جمع پونجی بستر کے نیچے سے تلاش کر کے پرزے پرزے کردی-

دی نیوز ٹرائب کے مطابق چین کے صوبے ژیان میں اس 4 سالہ بچے کو اس کی 28 سالہ ماں لیوفان اپنے کمرے میں چھوڑ کر باورچی خانے میں کام کرنے چلی گئی تھی-
 

بس پھر کیا تھا کہ کھیل کود میں مگن بچے نے بستر کے نیچے سے ایک ڈبے کے اندر چھپا خزانہ ڈھونڈ نکالا جو 3 ہزار پاؤنڈز کے لگ بھگ تھا اور پھر ان نوٹوں کو پھاڑ کر ٹکڑے ٹکڑے کر دیا-

جب والدین کمرے میں واپس آئے تو جگہ جگہ بکھرے نوٹوں کے ٹکڑے دیکھ کر ان کے تو دل ہی بیٹھ گئے-

لیوفان کا کہنا تھا کہ “ میں نے کاغذ پھٹنے کی آواز تو سنی مگر میں نے سوچا کہ میرا بیٹا کتابیں پھاڑنے کا شوق پورا کر رہا ہوگا مگر اس نے تو ہماری زندگی بھر کی جمع پونجی ہی تباہ کر کے رکھ دی-