|
امریکی ٹیکنالوجی کے بڑے ادارے، ’ایپل‘ نے دو نئے’ آئی
فونز‘ کی رونمائی کردی ہے، جِس کا مقصد اسمارٹ فون کی انتہائی مسابقت والی
منڈی میں اپنا لوہا منوانے کی ایک تازہ ترین کوشش ہے۔ ا
ِن میں سے ایک ماڈل، ’آئی فون فائیو سی‘ پانچ دیدہ زیب سبز، نیلے، زرد،
گلابی اور سفید رنگوں میں دستیاب ہے۔ ایسے صارفین جو دو برس کے وائرلیس
کانٹریکٹ قبول کرنے پر رضامند ہوں گے، اُنھیں محض 99 ڈالر کی کم ترین قیمت
ادا کرنی ہوگی۔
|
|
|
|
کمپنی نے اپنے دوسرے ماڈل، ’جدید ترین آئی فون فائیو ایس‘ کو اب تک بنائے
گئے فونز میں اگلی نسل کا پسندیدہ ترین ماڈل قرار دیا ہے۔
ان سمارٹ فونز کو امریکی ریاست کیلیفورنیا میں ایک تقریب کے دوران متعارف
کروایا گیا۔
فائیو ایس میں انگلیوں کے نشانوں کی پہچان کے لیے سنسرز لگے ہیں جبکہ فائیو
سی کا کور پلاسٹک ہے جو مختلف رنگوں میں دستیاب ہے۔
|
|
|
آئی فون فائیو ایس میں انگلی کے نشان کی پہچان کے نظام کو فون کو کھولنے
اور ایپل کے آن لائن سٹور سے خریداری کے وقت تصدیق کے لیے استعمال کیا جا
سکتا ہے۔
ادارے کا کہنا ہے کہ ’فائیو ایس‘ کی بیٹری 10گھنٹے تک کے بات چیت کے لیے
کارگر ہوگی-
ایک تجـزیہ کار کا کہنا ہے کہ اس خوبی کی وجہ سے یہ سیٹ انڈرائڈ فونز کے
مقابلے میں منفرد ہوگا۔
بغیر سم کے سولہ جی بی والے آئی فون فائیو ایس کی قیمت 549 برطانوی پاؤنڈ
ہوگی جبکہ 64 جی بی والے کی قیمت 709 برطانوی پاؤنڈ ہوگی۔
|
|
|
بغیر سم والے سولہ جی بی کے آئی فون فائیو سی 469 پاؤنڈ میں دستیاب ہوگا۔
امریکہ، برطانیہ، چین، آسٹریلیا، کینیڈا اور دوسرے کچھ ممالک میں ان نئے
آئی فونز کی فروخت ستمبر کے وسط میں شروع ہو جائے گی۔
دو سمارٹ فونز کو ایک ساتھ لانچ کرنے سے اندازہ ہوتا ہے کہ اپیل نے مارکیٹ
میں نئے فون لانے کی حکمتِ عملی تبدیل کر دی ہے۔ اس سے پہلے ایپل نے کبھی
دو مختلف قسم کے ہنڈ سیٹس کو مارکیٹ میں ایک ساتھ متعارف نہیں کروایا تھا۔
واضح رہے کہ آئی فون ایپل کمپنی کی آمدن کا بہت بڑا ذریعہ ہے۔ |
|
|
|
|