|
گستاخی رسالت پر مبنی مواد کو نہ ہٹانے کی وجہ سے پاکستان
میں بند کی گئی معروف ویڈیو ویب سائٹ یوٹیوب کو کھولنے کا فیصلہ کر لیا گیا
ہے۔
پاکستانی میڈیا رپورٹس میں ذرائع کے حوالے سے کہا گیا ہے کہ اس مقصد کے تحت
رواں ہفتہ بین الوزارتی کمیٹی کا اجلاس بلایا جائے گا۔
|
|
|
|
اعلٰی حکومتی ذرائع سے منسوب اطلاعات میں کہا گیا ہے کہ یوٹیوب سے بندش
ہٹانے کا فیصلہ عید کے بعد متوقع ہے۔
یاد رہے کہ پاکستان جہاں تقریباً 4 کروڑ افراد انٹرنیٹ استعمال کرتے ہیں
وہاں گوگل کی ملکیتی ویب سائٹ یوٹیوب سب سے بڑا ویڈی وپورٹل مانی جاتی تھی۔
یوٹیوب پر پابندی اس وقت لگائی گئی تھی جب بین الاقوامی طور پر توہین رسالت
کی غرض سے بنائی گئی ویڈیو کو یوٹیوب سے پالیسی کے خلاف مان کر ہٹانے سے
انکار کر دیا تھا۔
|
|
|
اس واقعہ کے بعد پاکستان سمیت متعدد ممالک نے یوٹیوب کے خلاف تادیبی
اقدامات کئے تھے۔
پاکستان میں ایک رائے یہ بھی پائی جاتی ہے کہ یوٹیوب کے ساتھ تنازعہ حل
کرنے میں دلچسپی نہ لینے کی اہم وجہ سابقہ حکومت کو مخالفت سے بچانا بھی
تھا۔دوسری صورت میں دیگر ممالک کی طرح یوٹیوب انتظامیہ سے معاہدہ کر کے اس
مسئلہ کو حل کیا جاسکتا تھا۔ |