نہیں ہے نکمی کوئی چیز زمانے میں - حصہ دوئم

کچن میں استعمال ہونے والی اکثر اشیاء ایک بار استعمال ہونے کے بعد معمولی اور بے ضرر معمولی اور بےکار دکھائی دیتی ہیں لیکن آپ انہیں پھینکنے کے بجائے بہت ہی خاص مقاصد کے لیے استعمال کرسکتے ہیں.زیرِ نظر مضمون میں ہم نے چند مفید تجاویز دیں ہیں جن کی مدد سے آپ کھانے پینے کی بہت سی اشیاء کو ضائع ہونے سے بچا سکتے ہیں۔
 

چاولوں کا دہرا استعمال
اگر چاول کئی ماہ سے الماری میں رکھے ہوئے ہوں تو انھیں استعمال کرنے سے پہلے یہ سوچیں کہ آپ کا کوئی الیکٹرانک آلہ ایسا تو نہیں جس میں ہمیشہ نمی رہتی ہو ۔آپ ان چاولوں کو اسے خشک کرنے کے لیے استعمال کرسکتی ہیں ۔آپ کو کرنا صرف یہ ہے ایک برتن میں خشک چاول ڈال کر اس نم آلے کو 24 گھنٹوں کے لیے اس میں رکھیں وہ خشک ہوجائے گا۔

اسفنج کو بیکٹیریا سے پاک کریں
اسفنج تھوڑے ہی دن بعد ناقابلِ استعمال ہو جاتا ہے ۔لیکن اگر اسے دو منٹ کے لیے مائیکروویو میں رکھ دیا جائے تو اس میں پیدا ہونے والے 99 فی صد جراثیم کا خاتمہ ہو جاتا ہے۔اور یہ بالکل نئے اسفنج کی طرح بن جاتا ہے آپ کو ایسا ہی محسوس ہو گا جیسے آپ ایک نئے اسفنج کو پہلی بار استعمال کر رہے ہیں۔

اجوائن کے پتوں( سلاد)کی دیکھ بھال
اجوائن کے پتے (کیلری) سلاد کے طور پر استعمال کیے جاتے ہیں اور یہ اسی صورت میں قابلِ استعمال ہوتے ہیں جب تک کہ یہ خستہ رہیں جیسے ہی یہ نرم پڑنا شروع ہوتے ہیں تو یہ کچرے کی ٹوکری کی نذر ہو جاتے ہیں۔اب اس کی ضرورت نہیں پڑے گی ۔ آپ ان پتّوں کو ایک برتن میں ٹھنڈا پانی لے کر اُس میں رکھیں ۔اور اس میں خام آلو کے چند ٹکڑے ڈال دیں ۔ اسے پانی میں بھگونے کے ایک گھنٹے کے بعد ان پتّوں میں آپ کی ضرورت کے مطابق خستہ پن آجائے گا۔اگریہ سلاد براؤن ہونا شروع ہوجائے تو آپ اس کا رنگ تبدیل ہونے سے پہلے ہی اس سے بچاؤ کا سدِباب کرلیں ۔ان پتوں کو فریز کرنے سے پہلے 30 منٹ تک ایک چوتھائی کپ ٹھنڈے پانی اور ایک چمچ لیموں کے رس میں بھگو دیں۔ اس طرح بھی یہ سلاد بالکل تازہ محسوس ہوگا۔

ایک لیموں سے بار بار فائدہ اٹھائیں
جب ہم کوئی ڈش بناتے ہیں تو اس میں عموماً لیموں کے چند قطرے ہی استعمال ہوتے ہیں۔اس لیے اس کو کاٹ کر نچوڑنے کے بجائے ایک ٹوتھ پک لے کر لیموں میں ایک سوراخ کریں اور اس میں سے اپنی ضرورت کے مطابق رس کشید کرلیں۔رس نکالنے کے بعد اس سوراخ کو ٹیپ کی مدد سے بند کر دیں اور لیموں کو فریج میں رکھ دیں اس طرح آپ وہ لیموں دوبارہ بھی استعمال کر سکیں گی۔

انڈوں کو تادیر قابلِ استعمال بنانا
انڈوں کو فریج میں سٹور کرنے سے پہلے اگر پیپر کو خوردنی تیل میں ڈبو کر انڈوں کے خول پر رگڑا جائے تو انڈوں کو لمبے عرصے تک فریش رکھا جاسکتا ہے۔تیل کی مدد سے انڈے تین سے چار ہفتے سے زائد وقت کے لیے تازہ رہ سکتے ہیں۔

بچے ہوئے آلو
اگر آپ نے سلاد یا کسی اور مقصد کے لیے کافی آلو چھیل لیے ہیں تو انہیں بیکار سمجھ کر ضائع مت کریں۔بلکہ اسے ایک برتن میں ڈال کر اس میں اتنا ٹھنڈا پانی ڈالیں جس میں سارے آلو اچھی طرح ڈوب جائیں پھر اس میں سرکے کے چند قطرے شامل کردیں۔اب اسے تین سے چار دن تک فریج میں رکھنے کے بعد استعمال کیا جاسکتا ہے۔

بند گوبھی براؤن پیپر میں لپیٹ کر رکھیں
آپ بند گوبھی کو لمبے عرصے تک استعمال کرسکتے ہیں لیکن اگر آپ اسے پلاسٹک کی تھیلی میں رکھنے کے بجائے براؤن کاغذ کی تھیلی میں رکھ کر ریفریجریٹر میں رکھ دیں ۔تھوڑی سی ہوا بند گوبھی کو تازہ رکھتی ہے لیکن اس کے لیے کبھی بھی اس کے اوپری پتے ضائع نہ کریں بے شک وہ دیکھنے میں خوبصورت نہیں لگتے لیکن وہ اندرونی پتوں کو خستہ اور تازہ رکھنے میں مدد دیتے ہیں۔