چند حیرت انگیز زیر زمین گھر

جیسے جیسے آبادی میں اضافہ ہوتا جارہا ہے انسان نے اپنے لیے مزید مسائل سے بچنے کے لیے حل تلاش کرنا شروع کر دیے ہیں- انہیں مسائل میں ایک جگہ کا مسئلہ بھی ہے جس کے حل کے لیے اب لوگوں نے زیر زمین عمارتیں تعمیر کرنا شروع کر دی ہیں- انسان جو کہ ابتدا میں غاروں میں رہائش پزیر تھا اور آہستہ آہستہ اس کو احساس ہوا کہ زمین پر رہائش اختیار کرنا اس کے لیے زیادہ سود مند ہے- لیکن اب اس نے زمین کے اندر بھی رہائش اختیار کرنا شروع کر دی ہے- یہاں چند حیرت انگیز زیر زمین گھروں کے بارے میں آگاہ کیا جارہا ہے-

Cave House in Festus
یہ جدید اور توانائی کی بچت کا حامل گھر 15 ہزار اسکوائر فٹ پر Missouri کے علاقے Festus کی ایک غار میں تعمیر کیا گیا ہے- اس گھر کو اس انداز سے ڈیزائن کیا گیا ہے کہ نہ اس کو ٹھنڈا کرنے کے لیے ائیر کنڈیشن کی ضرورت ہے اور نہ گرم رکھنے کے لیے کسی ہیٹر کی- اس گھر کی دیواریں غار کی دیواریں ہی ہیں- اس گھر کو Curt and Deborah Sleeper نے تعمیر کیا ہے- اس مقام پر پہلے کنسرٹ ہوا کرتے تھے اور گھر بننے سے قبل اسے نیلام کر دیا گیا-

Malator in Druidstone
یہ گھر Wales کی خوبصورت تعمیرات میں سے ایک ہے- مقامی لوگ اس گھر کو the Teletubby house کے نام سے یاد کرتے ہیں- اس گھر کی چھت پر ایک اسٹیل کی چمنی موجود ہے اور اس گھر کا ڈیزائن نہایت سادہ ہے- بنیادی طور پر اس گھر میں ایک ہی کمرہ جسے مختلف رنگوں کے ذریعے تقسیم کیا گیا ہے- جبکہ اس گھر کے باہر بھی زمین کی تزئین و آرائش بھی کی گئی ہے-

Hidden House in Lower Silesia
پولینڈ میں موجود اس زیر زمین گھر کو KWK Promes نے ڈیزائن کیا ہے- اس کی چھت پر گھاس ہی گھاس ہے اور اسی گھاس کو کاٹ کر گھر کے اندر اترنی والی سیڑھیاں بنائی گئی ہیں-گھاس ہونے کی وجہ سے ان سیڑھیوں تک رسائی صرف رہائشیوں کو ہی حاصل ہے-

The Underground House, Great Ormside, Cumbria
یہ گھر ایک پرانی کان میں تعمیر کیا گیا ہے جو کہ ایک ڈبل اسٹوری گھر ہے- انگلینڈ میں موجود اس گھر کو آرکیٹیکٹ John Bodger نے Phil اور Helen Reddy کے لیے تعمیر کیا-