شعیب ملک سے شادی سے قبل ثانیہ مرزا نے پرانی منگنی کیوں توڑی، سابق منگیتر نے کونسے رازوں سے پردہ ہٹایا تھا

ثانیہ مرزا اور شعیب ملک کی جوڑی جو پاکستان اور ہندوستان کا ملاپ ہونے کے سبب دونوں ملکوں کی عوام میں بہت چاہی جاتی تھی مگر ان دنوں اس جوڑے کی طلاق کی خبریں گردش کر رہی ہیں- جس نے سب کو پریشان کر رکھا ہے اور ہر ایک کی یہ خواہش ہے کہ یہ خبر جھوٹی ہو اور یہ جوڑی ہمیشہ کی طرح ہنستے مسکراتے اپنے بیٹے اذلان کے ہمراہ کسی نہ کسی جگہ ساتھ نظر آجائيں گے-

تاہم شعیب ملک کے قریبی حلقوں کی جانب سے ان کی طلاق کی تصدیق کر دی گئی ہے تاہم ان دونوں کی جانب سے اب تک اس حوالے سے کوئی بیان جاری نہیں کیا گیا ہے-

اس حوالے سے بہت کم لوگ جانتے ہیں کہ شعیب ملک کی ثانیہ کی زندگی میں آمد سے قبل ثانیہ کی منگنی ان کے بچپن کے ساتھی سہراب مرزا سے ہو چکی تھی جو بھارت کے مشہور یونیورسل بیکرز کے مالک تھے-

سہراب مرزا ثانیہ کے سابقہ منگیتر

ثانیہ مرزا کے سابقہ منگیتر سہراب مرزا کا تعلق بزنس مین گھرانے سے تھا اس خاندان اور ثانیہ مرزا کے خاندان میں گزشتہ 3 نسلوں سے انتہائی قریبی تعلقات تھے۔ ثانیہ اور سہراب کی دوستی کے بعد یہ تعلقات رشتے داری میں تبدیل کرنے کا فیصلہ کیا گیا-

شعیب اور ثانیہ کی طلاق کی خبروں کے ساتھ ساتھ سہراب مرزا کا 2010 میں دیا گیا ایک انٹرویو بھی وائرل ہو رہا ہے جس میں اس نے اپنی اور ثانیہ مرزا کی منگنی کے ٹوٹنے کی وجوہات کو بیان کیا تھا-

سہراب کا یہ کہنا تھا کہ منگنی کا فیصلہ ان کا اور ثانیہ کا باہمی تھا جس میں خاندان والوں کی رضامندی بھی شامل تھی اس کے ساتھ ساتھ منگنی کے ختم کرنے کا فیصلہ بھی ان دونوں کا مشترکہ تھا-

ثانیہ کے ساتھ منگنی ٹوٹنے کی وجہ

سہراب کا منگنی ٹوٹنے کے حوالے سے کہنا تھا کہ اگرچہ وہ اور ثانیہ کی منگنی اور دوستی چھ سالوں پر محیط تھی مگر منگنی کے بعد ان کو یہ اندازہ ہوا کہ ان کے درمیان زندگی بھر ساتھ گزارنے کی انڈرسٹندنگ نہیں ہے اور وہ دونوں مختلف مزاج کے افراد ہیں جن کا ایک ساتھ چلنا ناممکن ہے- جس کے بعد انہوں نے اور ثانیہ نے منگنی توڑنے کا فیصلہ کیا-

تاہم کچھ ذرائع کا یہ بھی کہنا ہے کہ سہراب کی فیملی کی یہ ڈیمانڈ تھی کہ ثانیہ اپنا کیرئير ختم کر کے گھر بیٹھ جائے جس کی مخالفت ثانیہ کے والد نے کی جس کی وجہ سے منگنی ٹوٹی- تاہم انٹرویو میں سہراب کا یہ کہنا تھا کہ اس کو ثانیہ کے گیمز میں حصہ لینے سے کوئی فرق نہیں پڑتا تھا-

ثانیہ کیسی لڑکی تھی

ثانیہ مرزا کے حوالے سے ان کا کہنا تھا کہ وہ بھلے دنیا کے لیے ایک سیلیبریٹی ہوں گی مگر وہ اندر سے بہت سادہ سی لڑکی ہیں جس نے کامیابیاں حاصل کرنے کے لیے شدید محنت کی ہے اور اسے اپنی ان کامیابیوں پر فخر ہے-

ثانیہ مرزا اور سہراب کی منگنی کے ٹوٹنے کے بعد ان کی زندگی میں شعیب ملک آئے اور جس سے شادی اور اس کے بعد بیٹے کی پیدائش کے 13 طویل سال پلک چھپکتے گزر گئے اور حالیہ دنوں میں اس جوڑے کی علیحدگی کی خبروں نے سب کو اداس کر دیا ہے-

< Previous شادی کا ایک وقت مقرر ہے تو والدین ہر وقت پریشان کیوں؟NEXT > میری زندگی پر فلم نہیں بننی چاہیے، متھن چکرورتی کی زندگی پر اگر فلم بنی تو لوگوں کے لیے خطرناک کیوں؟ اداکار نے وجہ بتا دی