میں نے کرینہ سے ایک چیز ضرور سیکھی، سیف علی خان نے اپنی اور کرینہ کی کامیاب شادی کا سب سے بڑا راز بتا دیا

سیف علی خان اور کرینہ کپور کی جوڑی بالی وڈ فلم انڈسٹری کی سب سے زیادہ پسند کی جانے والی جوڑی قرار دی جاتی ہے دو بیٹوں کے ساتھ اس جوڑے کی باہمی محبت میں دن بدن اضافہ ہی دیکھنے میں آرہا ہے-

ان دونوں کے خوبصورت اور معصوم بیٹے تیمور علی خان اور جہانگیر علی خان کو دیکھ کر ہر دیکھنے والے کی نظر اس جوڑے پر تھم سی جاتی ہے- اس سال 16 اکتوبر 2022 میں اس جوڑے کی شادی کو پورے دس سال ہو گئے ہیں-

عمروں میں بڑے فرق اور شوبز کی چکا چوند کے باوجود یہ جوڑا آج بھی پہلے دن کی طرح ایک دوسرے کی محبت میں مگن ہے اور ہر نئے دن کے ساتھ ان کا تعلق اور محبت بڑھتی جا رہی ہے-

اس موقع پر کرینہ نے اپنے سوشل میڈيا اکاونٹ پر اپنی اور سیف کی ایک خوبصورت تصویر شئير کرتے ہوئے پیغام لکھا کہ “میں اور تم ۔۔۔ تم اور میں ۔۔۔ ہمیشہ کا ساتھ ، شادی کی دسویں سالگرہ مبارک“

سیف علی خان نے شادی کی کامیابی کا سہرہ کس کو دے دیا

اپنے ایک حالیہ انٹرویو میں سیف علی خان نے اپنی شادی کی کامیابی کا سہرہ کرینہ کپور کو قرار دیا ان کا کہنا تھا کہ کرینہ ایک بہترین مینیجر ہے اور وہ جانتی ہے کہ زندگی میں کس طرح توازن برقرار رکھنا ہے-

ان کا یہ بھی کہنا تھا کہ کرینہ وقت کو بہترین طریقے سے تقسیم کرنا جانتی ہیں وہ جانتی ہیں کہ کام اور فیملی کو کس طرح ساتھ لے کر چلنا ہے۔ اور ان دس سالوں میں انہوں نے کرینہ سے سب سے بڑا سبق یہی سیکھا کہ وقت کی قدر کس طرح کرنی ہے اور اس کا استعمال کس طرح سے کرنا ہے-

شادی کی کامیابی کا راز

اپنی شادی کی کامیابی کے سب سے بڑے راز سے پردہ اٹھاتے ہوئے انہوں نے کہا کہ ہم ایک دوسرے کے ساتھ رہنے کے علاوہ ایک دوسرے کی شخصی آزادی کے قائل ہیں چونکہ ہمارا تعلق ایسے شعبے سے ہے جہاں پر کچھ نیا کرنا ضروری ہوتا ہے کچھ تخلیق کرنا بہت ضروری ہوتا ہے تو اس وجہ سے ہمارے لیے یہ بہت ضروری ہے کہ ہم ایک دوسرے کو شخصی آزادی ضرور دیں-

ہم ایک دوسرے کے مشاغل کا احترام کرتے ہیں اور ایک دوسرے کے ساتھ وقت گزارتے ہیں مگر اس کے ساتھ ساتھ ہم ایک دوسرے کی آزادی کا بھی خیال کرتے ہیں اور اس کو عزت دیتے ہیں اور یہی وجہ ہماری شادی کی کامیابی کا راز بھی ہے-

امید ہے کہ سیف علی خان کی یہ نصیحت تمام شادی شدہ جوڑے پلو سے باندھ لیں گئے اور اس پر عمل بھی کریں گے-

< Previous ہمارے نام سے فلم ہٹ ہوجاتی تھی لیکن٬ سپر اسٹار مصطفیٰ قریشی آج کی مولا جٹ اور ماضی کی مولا جٹ میں کیا فرق بتاتے ہیں؟NEXT > اشعر یا حمزہ، ڈرامہ میرے ہمسفر یا ہمسفر حقیقی زندگی میں لڑکیاں کیسے ہمسفر کی خواہش رکھتی ہیں