پاکستانی شوبز انڈسٹری پر راج کرنے والے بہن بھائی اور ان کی تصاویر

ہم ہمیشہ مشہور پاکستانی فنکاروں کو فلموں اور ڈراموں میں دیکھتے ہیں جبکہ ان میں سے کئی پاکستانی فنکار آپس میں بہن بھائی ہوتے ہیں- لیکن کم ہی ان بہن بھائیوں کی تصویریں ایک ساتھ دیکھنے کو ملتی ہیں- آئیے ہم آپ کو پاکستانی شوبز میں موجود چند مشہور شخصیات کے بارے بتاتے ہیں جو آپس میں بہن بھائی ہیں اور ساتھ ہی ان کی تصاویر بھی دکھاتے ہیں-

بشریٰ انصاری، اسماﺀ عباس اور سنبل شہزادی
بشریٰ انصاری کے نام سے کون واقف نہیں لیکن بہت کم لوگ شوبز کی دنیا میں موجود ان کی دیگر دو بہنوں کے بارے میں جانتے ہیں- بشریٰ انصاری کی ان دو بہنوں کے نام اسماﺀ عباس اور سنبل شہزادی ہیں- بشریٰ انصاری کی یہ دونوں بہنیں بھی کئی پاکستانی ڈراموں اپنی فنکاری کے جوہر دکھا چکی ہیں-

ماورا حسین اور عرویٰ حسین
یہ دونوں بہنیں بھی پاکستانی شوبز انڈسٹری کی کامیاب اور مقبول اداکارائیں سمجھی جاتی ہیں- ان کی بہترین اداکاری کی وجہ سے اکثر افراد انہیں پسند کرتے ہیں-

نمرہ بچہ اور ثناﺀ بچہ
کیا آپ جانتے ہیں کہ نمرہ اور ثناﺀ آپس میں بہنیں ہیں؟ یقیناً آپ نہیں جانتے ہوں گے- نمرہ اداکاری کے جوہر دکھاتی ہیں جبکہ ثناﺀ ٹی وی نیوز چینل کی اینکر ہیں-

حمائمہ ملک، دعا ملک اور فیروز
آپ جانتے ہیں کہ ان تینوں کے درمیان کیا رشتہ ہے؟ یہ تینوں بہن بھائی ہیں اور تینوں ہی پاکستانی شوبز انڈسٹری کی جانی مانی شخصیات ہیں-

صنم بلوچ اور سبرین بلوچ
صنم بلوچ اور سبرین بلوچ بھی آپس میں بہنیں ہیں اور دونوں ہی کئی پاکستانی ڈراموں میں کام کرچکی ہیں-

عریشہ رضی اور سارہ رضی
یہ دونوں بہنیں پاکستانی ڈرامہ انڈسٹری کی نوجوان اسٹار سمجھی جاتی ہیں- دونوں بہنیں بچپن سے ہی پاکستانی ڈراموں میں اپنی اداکاری کے جوہر دکھاتی آرہی ہیں- اس میں کوئی شک نہیں کہ دونوں میں بہت زیادہ مشابہت ہے-

منال اور ایمن
یہ دونوں بہنیں بھی پاکستان کی معروف اداکاراؤں میں شمار ہوتی ہیں- ان کی اداکاری کو بھی پاکستان میں بہت زیادہ سراہا جاتا ہے-

شہزاد شیخ اور مومل شیخ
مومل شیخ اور شہزاد شیخ بہن بھائی ہیں اور پاکستانی ڈراموں کی مقبول ترین شخصیت بھی ہیں- یہ دونوں بہن بھائی معروف پاکستانی فنکار جاوید شیخ کے بیٹا اور بیٹی ہیں-