ہالی ووڈ میں اپنے جوہر دکھانے والے پاکستانی فنکار

ہم اکثر پاکستانی فنکاروں کے بھارتی فلموں میں اپنی فنکاری کے جوہر دکھانے کے حوالے سے سنتے رہتے ہیں جس سے انہیں مزید مقبولیت حاصل ہوتی ہے- لیکن متعدد پاکستانی باصلاحیت فنکار ایسے بھی ہیں جنہوں نے ہالی ووڈ کے پروجیکٹس پر اپنی شاندار فنکاری کا مظاہرہ کیا ہے- چند ایسے ہی نام مندرجہ ذیل ہیں:

عدنان صدیقی
پاکستان کے معروف فنکار اور ماڈل عدنان صدیقی نے انجلینا جولی اور عرفان خان کے ساتھ مل کر ہالی ووڈ کی فلم “A Mighty Heart” میں اپنی فنکاری کے جوہر دکھائے-

ساجد حسن
ساجد حسن بھی پاکستان کی ڈرامہ انڈسٹری کا ایک ایسا نام ہے جو کسی تعارف کا محتاج نہیں- ساجد حسن بھی ہالی ووڈ کی فلم “A Mighty Heart” میں کام کرچکے ہیں اور اس فلم میں انہوں نے زبیر نامی شخص کا کردار نبھایا-

ماہ نور بلوچ
خوبصورت پاکستانی فنکارہ ماہ نور بلوچ ہالی ووڈ کی فلم “Torn” میں اپنی فنکاری کے جوہر دکھائے- ماہ نور اس کے علاوہ بھی کئی بین الاقوامی پروجیکٹ پر کام کرچکی ہیں-

میشا شفیع
پاکستانی فنکارہ اور گلوکار میشا شفیع ہالی ووڈ کی مشہور فلم “The Reluctant Fundamentalist” میں اپنی شاندار اداکاری کا مظاہرہ کرتی ہوئی نظر آئیں-اس فلم کی کاسٹ میں اوم پوری اور شبانہ اعظمی بھی شامل تھے-

عاطف اسلم
پاکستان کے معروف گلوکار عاطف اسلم نے امریکی فلم “Man Push Cart” کے لیے تین گانے گائے-

اقبال تھیبا
پاکستانی فنکار اقبال تھیبا نے ہالی ووڈ کی فلم “Glee” میں ایک پرنسپل کا کردار نبھایا- اس فلم میں ہالی ووڈ کے کئی اور مشہور فنکار بھی شامل تھے جس میں رکی مارٹن اور سارہ جسیکا پارکر بھی شامل تھیں-