|
نارتھ کیرولینا کے علاقے Mooresville میں واقع ایک اطالوی
ریسٹورنٹ کے مالک کے متنازعہ فیصلے نے اس کے ریسٹورنٹ کو زوال دینے کے
بجائے مزید ترقی دے دی-
جی ہاں متعدد گاہکوں کی جانب سے شکایات موصول ہونے کے بعد ریسٹورنٹ کے مالک
Pasquale Caruso نے اپنے ریسٹورنٹ میں 5 سال کم عمر بچوں کے داخلے پر
پابندی عائد کر دی تھی-
|
|
|
باجود اس کے کہ Caruso کے اس متنازعہ فیصلے کو سوشل میڈیا پر شدید تنقید کا
نشانہ بنایا گیا پھر بھی ریسٹورنٹ کے مالک کا دعویٰ ہے کہ اس کا ریسٹورنٹ
بھرپور ترقی کر رہا ہے-
Caruso کا کہنا تھا کہ “ یہ ایک روایتی٬ بہترین اور پرسکون ریسٹورنٹ ہے
لیکن یہاں آنے والے بچوں کی چیخ و پکار اور ان کے بلند آواز میں آئی پیڈ کے
استعمال سے دیگر کسٹمرز متاثر ہورہے تھے اور ان کی طرف مسلسل شکایات موصول
ہورہی تھیں- یہاں تک کہ کئی گاہگ بچوں کے پریشان کرنے کی وجہ سے ریسٹورنٹ
چھوڑ کر بھی چلے گئے“-
“ دوسری جانب والدین بھی اپنے بچوں کی روک تھام نہیں کرتے تب ہی میں نے اس
طرح کی پابندی لگانے کا فیصلہ کیا- اگرچہ میں خود اس فیصلے سے خوش نہیں
لیکن ہمارے کاروبار کو جاری رکھنے کے لیے یہ بہترین تھا“-
|
|
|
|
جہاں ایک جانب ریسٹورنٹ کے مالک کے اس فیصلے کو شدید تنقید کا نشانہ بنایا
جارہا ہے وہیں دوسری طرف کئی لوگ اسے ایک جرات مندانہ اور درست فیصلہ بھی
قرار دے رہے ہیں-
|