پاکستان محبت کرنے والوں کا گھر ہے- یہاں آپ کا واسطہ
مختلف اقسام کے لوگوں٬ رویوں٬ چیزوں وغیرہ سے پڑتا ہے- پاکستان کی ہر بات
انوکھی اور دیگر ممالک سے جداگانہ ہے- آپ دنیا میں کہیں بھی چلے جائیں لیکن
آپ پاکستان کو کسی صورت بھول نہیں سکتے- ہم یہاں آپ کے سامنے چند ایسی
پاکستانی چیزوں کا ذکر کریں گے جو آپ کو دنیا میں کہیں بھی دیکھنے کو نہیں
ملیں گی-
|
|
پاکستان میں ہر سگنل پر مانگنے والوں کی چند مخصوص دعائیں ضرور سننے کو
ملتی ہیں ٬ جیسے کہ اﷲ تمہیں مرسڈیز دے٬ یا پھر اﷲ تم دونوں کی جوڑی سلامت
رکھے (چاہے وہ دونوں بھائی بہن ہی کیوں نہ ہوں)-
|
|
انڈے والا برگر تو آپ کو پاکستان کے ہر شہر میں ملے گا اور یہ ہمارے ملک کی
خاص ڈش بھی ہے- تاہم باہر کسی ملک میں اس ڈش کا ملنا ذرا مشکل ہے-
|
|
راہ چلتے ایسے مددگار ضرور دکھائی دیتے ہیں جو موٹر سائیکل پر سوار خواتین
کو دوپٹہ یا چادر سنبھالنے کی تنبیہ کر رہے ہوتے ہیں یا پھر کار میں سوار
خواتین کو کچھ ایسے انداز سے بتاتے ہیں “ آپ کا دوپٹہ دروازے میں پھنسا ہوا
ہے“- (ویسے یہ ایک اچھا عمل ہے)-
|
|
دیسی سوڈا پاکستانیوں کا سب سے پسندیدہ مشروب ہے- اس سے زیادہ تروتازہ کیا
ہوسکتا ہے بالخصوص جب غذا ہضم کرنی ہو تو-
|
|
آپ کے دروازے پر سبزی والے کا آنا صرف ہمارے پیارے ملک میں ہی ممکن ہے جہاں
آپ اپنی گلی میں ہی سبزی خرید لیتے ہیں-
|
|
پاک بھارت کا میچ ہو تو پاکستانی تمام اختلاف بھلا کر صرف پاکستان کی ٹیم
کو سپورٹ کرتے دکھائی دیتے ہیں- یہاں تک کہ جو کرکٹ میچ دیکھنا پسند نہیں
کرتے وہ بھی پاکستانی ٹیم کی جیت کے لیے دعا گو ہوتے ہیں-
|
|
گول گپے والے اور گول گپوں کے شوقین افراد آپ کو پاکستان کے ہر شہر میں
ضرور دکھائی دیں گے- ان پر ہاتھ صاف کرنا ہر کسی کی خواہش ہوتی ہے-
|
|
حلوہ پوری کو پاکستان کا دیسی ناشتہ کہا جائے تو کسی حد تک بےجا نہ ہوگا-
|
|
اکثر پاکستانی اپنے من پسند ڈراموں کو بار بار دیکھنا
پسند کرتے ہیں- ایسے پاکستانیوں سے صرف پاکستان میں ہی ملا جاسکتا ہے-
|
|
کیا آپ جانتے ہیں کوک اسٹوڈیو پاکستان کی ہی ایجاد ہے-
اس کے بانی پاکستان پاپ بینڈ وائٹل سائن کے روحیل حیات ہیں- کوک اسٹوڈیو
پاکستان سے متاثر ہو کر دیگر ممالک نے بھی اسی طرز کے پروگراموں کا آغاز
کیا جن میں بھارت٬ عرب ممالک اور افریقی ممالک شامل ہیں- لیکن کوئی بھی کوک
اسٹوڈیو پاکستان کا مقابلہ نہیں کرسکا-
|
|
پاکستان دنیا کی چند انتہائی مقبول شخصیات کا گھر بھی
کہلاتا ہے- جیسے نصرت فتح علی خان٬ مہدی حسن٬ نور جہاں٬ فیض احمد فیض٬
عابدہ پروین اور کئی دوسری ایسی شخصیات جو پاکستان کا فخر ہیں-
|
|
پاکستان کئی پرکشش افراد کا گھر بھی ہے- جیسے کہ فواد
خان جن کا شمار ایشیا کے پرکشش ترین مردوں ہوتا ہے- |