مختلف گھریلو مسائل سے نجات کے چند آسان ٹوٹکے

گھر میں اکثر ہمارا واسطہ چند چھوٹی چھوٹی مشکلات سے پڑتا رہتا ہے جو کہ ہمیں گھریلو کام کاج میں پیش آتی ہیں- ان مشکلات میں سے ایک بڑی مشکل جو اکثر ہمیں درپیش رہتی ہے وہ ہے چند گھریلو یا عام اشیاﺀ کی صفائی٬ جس کی وجہ سے زندگی کسی حد تک پیچیدگی کا شکار ہوجاتی ہے- لیکن یہ کوئی بڑی بات نہیں ہے اور ہم چند مفید طریقہ کار یا تراکیب کا استعمال کرتے ہوئے ان مشکلات سے چھٹکارا حاصل کرسکتے ہیں اور اپنی زندگی کو آسان بنا سکتے ہیں-

Lemons
ویسے تو لیموں تقریباً ہر چیز صاف کرسکتا ہے لیکن اسے مائیکروویو کی صفائی کے لیے بہترین جانا جاتا ہے- بس لیموں کو ٹکڑوں میں کاٹ کر ایک پیالے میں پانی میں ڈال کر 45 سیکنڈ تک مائیکروویو کیجیے- اب آسانی سے داغ دھبے صاف کرلیں-

Squeegee
عام طور پر Squeegee ہمارے گھروں میں پانی سُکھانے کے لیے یا پھر شیشے صاف کرنے کے لیے استعمال کیا جاتا ہے لیکن آپ اس کی مدد سے قالین پر پڑے پالتوں جانوروں کے بال بھی باآسانی اکھٹے کرسکتے ہیں-

Butter
بچوں کے بالوں میں چیونگم کا چپکنا ایک عام سی بات ہے لیکن اسے اتارنا انتہائی تکلیف دہ عمل ثابت ہوتا ہے- لیکن مکھن اس حوالے سے مددگار ثابت ہوسکتا ہے- بس مکھن کو بالوں میں رگڑ دیجیے اور پھر صاف کرلیجیے٬ چیونگم باآسانی اتر جائے گی-

Baking soda
بیکنگ سوڈا کے بہت سے کمالات ہیں- لیکن اسے ایک قدرتی خوشبو کے حوالے سے بھی جانا جاتا ہے- بالخصوص جوتوں یا ریفریجریٹر میں سے جب بدبو بھگانی ہو تو بیکنگ سوڈا کا چھڑکاؤ آپ کی مدد کرسکتا ہے-

Coffee
ویسے تو لوگ کافی پینا پسند کرتے ہیں لیکن کیڑے اس سے دور بھاگتے ہیں- گھر کے ایسے حصوں میں جہاں بہت زیادہ کیڑے مکوڑے پائے جاتے ہوں اگر وہاں کافی کا چھڑکاؤ کردیا جائے تو تمام کیڑے اس کی بدبو سے بھاگ جاتے ہیں-

Eggs
انڈے کی سفیدی چمڑے کی صفائی کے لیے بہترین قرار دی جاتی ہے- انڈے کی سفیدی کو اپنی چمڑے کی اشیاﺀ مثلاً جوتے یا پرس وغیرہ پر ملیے اور پھر کسی پرانے کپڑے یا تولیے سے صاف کرلیجیے- آپ کی اشیاﺀ دوبارہ پہلے کی طرح چمکنے لگیں گی-

Newspapers
اخبارات کو ایک چھوٹی سی گیند نما شکل میں لنچ باکس میں رکھنا فائدہ مند ثابت ہوتا ہے- اس عمل سے لنچ باکس میں مہک یا بو پیدا نہیں ہوتی کیونکہ یہ اخبار تمام بو کو اپنے اندر جذب کرلیتے ہیں-