British Aur Islamic System (Ek
Jaizaah Roman Urdu May)
* Political System
* Justice System
* Economical System
* Education System
Biritish Political System.
Democracy System May Kai Political Party Hoti Hai. Saab Kahtay Hai Paksitan Kay
Liya Kaam Kar Rahay Hai Per Har Party Apnay Aap Ko Mashoor Karnay Kay Liya Bara
Paisa Aur Waqt Zaya Karti Hai Aur Goverment May Atay Hi Soud Samayt Wasoolti Hai.
Agar Unka Koi Banda Jurm Ya Zulum Karta Hai Tu Wo Us Mamllay Ko Dabati Hai Takay
Party Ka Naam Badnaam Na Hoo. Aur You Lootay Idhar Udhar Ja Kay Gand Kartay
Rahtay Hai. Aur Shaid Aaj Saray Lottay Ek Hi Jaga Jama Hogaay. Kiyo Kay Unko
Pata Hai Kay Wo Ghalat Karaay Gaay Tu Masllah Nahi Hai Govt. May Khud Majood Hai.
Islamic Political System.
ALLAH(S.W.T) Kahtay Hai Kay Apass May Firqay Na Banoo.Aab Agaar Saab Ka Motive
Yahi Hai Kay Pakistan Kay Liya Kaam Karna Hai Tu Phir Groups Kis Baat Kay?
Bayshak Raay Mukhtalif Hoti Hai Per Iska Ya Matllab Nahi Kay Alaag Party Bana
Kay Rahaay.Islam May Hai Kay Har Illaqay Wallay Ek Ameer Ko Muntakhib Karaay Aur
Wo Ameer Kisi Ek Ko Khalifa Banaay. Loog Apnay Ameer Ka Kahna Manaay Aur Ameer
Apnay Khalifa Ka.Har Mamllay May Khalifa Tammam Ameer Ki Raay Layta Hai Phir
Last Faisllah Karta Hai. Aur Jo Ghalat Karaay Uskay Saath Koi Asaani Nahi Ki
Jati Uski Bhi Wahi Saza Hai Jo Aam Awam Ki Hai.
Biritish Justice System.
Saray Choor Ek Hi Central Jail May Ajatay Hai Agaar Jaib Katra Hota Hai Tu Uska
Level Aur Barh Jata Hai Jail Say Nikaltay Hi Wo Dakati Marta Hai Kiyo Kay Jail
May Hi Uskay Achay Contacts Banjatay Hai Ya Phir Police Say Adhay Adhay Per
Mamlla Set Hojata Hai. Agar Kisi Kay Ghar Per Koi Qabza Karlay Tu Wo Tu Mazay
Say Rahta Hai Jis Kay Ghar Per Qabza Hogiya Wo Adallat Ka Darwazah Khatkatata
Rahta Hai 4 Say 5 Saal May Jakay Baat Start Hoti Hai. Check Aaj Ka Justice
System Asi Kai Buraai Hai Simple Kay Ghalat Karnay Wala Kaam Kar Jaay Jis Ko
Insaaf Chahiya Wo Bus Ghoomta Hi Rahay.
Islamic Justice System
Har Illaqay Ka Ek Fard Ameer Hota Tha Aur Wo Hi Apnay Illaqay Kay Logo Kay
Darmiyaan Faisllah Karta Hai Per Insaaf Kay Saath Agar Na Karaay Tu Phir
Khalifay Waqt Say Rabta Kiya Jata Hai.Ismay Ek Faidah Ya Bhi Hai Kay Ameer
Mohallay Ka Hi Hota Hai Tu Wo Andaza Jald Lagalayta Hai Kay Kis Ka Chracter
Kitna Saaf Hai.
British Economical System
Banking System Base Hai Her Business Ki.Bank Kahta Hai Kay Paisay Rakhwaoo Gaay
Tu Aap Ko Munafaa Daay Gaay Aur Agaar Udhaar Loo Gaay Tu Aap Itnay Arsay Baat
Itna Extra Paisa Doo Gaay. Yani Ameer Ko Mazeed Paisa Aur Ghareeb Say Mazeed
Paisa Khincha Ja Raha Hai. Tex System Jo Kay Lagta Hai Ameer Aur Ghareeb Per May
7 Hazar Kamata Hoo Ata Chawal Aur Dosri Zarooriyat Ki Cheez Khardta Hoo Tu Tex
May 3 Hazar Kat Jatay Hai Per Jo Ameer Hai 70 Hazar Kamata Hai Wo Bhi Yahi Basic
Cheez Kharidta Hai Tu 3 Hazar Hi Tex Dayta Hai Govt. Tex May Izafa Karti Hai Tu
Meri Cheekay Nikalta Hai Ameer Banda 10 Hazar Bhi Daay Tu Koi Problem Nahi Hai.
Islamic Economical System
Soud (Intereset) Sakhti Say Mana Hai. Baymani Jhoot Bol Kay Koi Cheez Bachna Ya
Lalach Day Kar Jaisa Aaj Bba Mba May Sekhaya Ja Raha Hai. Gold Money System Hota
Tha. Zakaat Us Per Farz Ki Gai Jo 1 Saal Say Ziyada Paisay Jama Kar Kay Rakhay
Wo Bhi % Kay Hissab Say.(Example Bata Raha Hoo Takay Asani Say Samjh May Aay
Real Figure Kuch Aur Hai) 7000 Wala Agar 70 Dayga Tu 70000 Wala 700 Dono Hi Kay
Liya Ya Raqaam Bari Nahi Hogi Sakoon Say Ada Kar Saktay Hai.Aur Jo Non Muslim
Hai Wo Jaziya Daay Gaay. Aur Un Per Bhi Is Kisim Ka Rules Hai Per Har Cheez Per
Tex Nahi Hai British System Ki Tarha.
British Education System
Simple Sawal Aap Logo Say Hai Kay Nursary Say Layker 10th Class Tak Kiya Kya
Sekha Aap Nay ?English Parhna Likhna Bolna, Urdu Parhna Likhna Bolna, Math,
Science, Social Studies Aur Dosri Cheezay Note Karaay Kitnay Saal Lagaay ?Aab
Khud Souch Kar Bataay Ya Saraay Kaam 5 Saal Kay Andar Nahi Ho Saktay Thay?
English Launage Courses Waloo Ka Kahna Hai Kay 6 Mahinay May Gaurantee Kay Saath
Seekh Lay Bolna. Aab School Dekh Lay.Science Aur Social Studies Aap Ko Shaid
Kuch Hi Yaad Hoo Demagh May.Matric Choraay Ya Jo Graduates Aur Master Hai Kis
Baat Kay Hai ?Apnay Mulk May Hamari Apni Koi Khas Industries Nahi Hai Saab
Bahaar Say Ata Hai Bijli Ki Problem Solve Ho Nahi Rahi Hum Say Car, Tv, Computer
Aksariyaat Bahaar Say Ati Hai. Medical May Bhi Bus Aisay Hi Hai. Sales Man Akay
Dawaat Daytay Hai Dr Ko Kay Hamari Dawai Sell Karwanay Per Aap Ko Ya Ya Muraat
Millay Ga. Illaj Itna Mahnga Kay Ghareeb Dua Karta Hai Kay Mar Jaay Per Hospital
Na Jaay. Hum Log Khud Ko Educated Kahtay Hai Koi Hamari Banai Howi Cheez Hai ?
Sirf Ghullam Hai Un Kay Unki Haan May Haan Millanay Walaay.
Islamic Education System
Wo Dour Aur Tha Jaab Gora Jo Bhi Kahta Hum Maan Laytay Thay Aab Duniya Khool Kar
Hathoo May Hai Zara Dekhay Past Muslmanoo Ka Sari Bari Ijadaat Muslmanoo Ki Hai
Spain Turkey Tak May Aaj Bhi Muslmanoo Ka Alim Nazar Ata Hai.Ya Ilim Inhoo Nay
Quran Kay Zariya Hi Hasil Kiya Us Say Hi Andaza Lagaya Kay Cheezo Ki Asliyat
Kiya Hai Aur Uskay Mutabiq Un Per Tajurba Kiya Tu Wo Agaay Niklatay Chalay Gaay.
Islam Sirf Ebadaat Ki Baat Nahi Karta Bulkay Haqooq-Ul-Ibaad Yani Bandoo Kay
Haqooq Ki Bhi Baat Karta Hai. Quran Say Barh Kar Koi Bhi Kitaab Education Nahi
Daysakti Agaar Koi Achai Chahay Tu Wo Yaqeenan Achay Hi Kaam Karaay Ga Per
British Education Sirf Logo Ko Paisa Kamanay Ki Targeeb Dayti Hai Chahay Hallal
Ho Ya Haram Aur Quran Insaan Ko Insaniyaat Kay Saath Rahna Sekhati Hai Chahay
Ameer Ho Ya Ghareeb.