|
امریکہ جیسے ترقی یافتہ ملک میں آج بھی ایک ایسا پُل
موجود ہے جو ہر سال سینکڑوں حادثات کا باعث بن رہا ہے- یہ خوفناک پُل
امریکہ کی ریاست نارتھ کیرولینا کے علاقے Durham میں واقع ہے اور ان حادثات
کی وجہ اس پُل کی کم بلندی ہے-
|
|
|
یہ پُل زمین سے صرف 11 فٹ اور 8 انچ اوپر قائم ہے جس کی وجہ سے پُل کے نیچے
موجود عوامی سڑک سے گزرتے ہوئے ٹرکوں کی چھتیں پُل سے ٹکرا جاتی ہیں اور
یوں یہ ٹرک اوپر کی جانب سے تباہ ہوجاتے ہیں-
وفاقی حکومت کے مطابق عوامی سڑک پر بنائے جانے والے پُل زمین سے 14 فٹ کی
بلندی پر ہونے چاہئیں لیکن جب 1940 میں مذکورہ پُل تعمیر کیا گیا تو اس وقت
پُلوں کی تعمیر کا یہ معیار موجود نہیں تھا-
Durham کے ایک رہائشی Jürgen Henn کا کہنا ہے کہ “ میں ہر سال ایسے متعدد
ٹرک کی چھت تباہ ہوتے دیکھتا ہوں جو اس پُل کے نیچے سے گزرنے کی کوشش کرتے
ہیں“-
سال 2015 کے اختتام تک 100 سے زائد ایسے ٹرک تھے جنہوں نے اس پُل کے نیچے
سے گزرنے کی کوشش کی اور ان کی چھتیں تباہ ہوگئیں-
Jürgen کے مطابق اس پُل کو مزید بلند اس وجہ سے نہیں کیا جاسکا کہ اس پر
ریلوے لائن بچھی ہوئی اور تبدیلی کی صورت میں کئی میل تک ریلوے لائن تبدیل
کرنا ہوگی اور اس پر بھاری اخراجات آئیں گے اور ریلوے کا محمکہ ان اخراجات
ادائیگی نہیں کرنا چاہتا-
|
|
|
اگرچہ شہری حکومت کی جانب سے پُل پر ایسی لائٹس نصب ہیں جو ٹرک ڈرائیور کو
پُل کی بلندی کے حوالے سے خبردار کرتی ہیں لیکن پھر بھی متعدد ڈرائیور اس
انتباہ کو نظر انداز کرتے ہوئے پُل کے نیچے سے گزرنے کی کوشش کرتے ہیں اور
نقصان اٹھا لیتے ہیں- |