|
حال ہی میں Latvia سے تعلق رکھنے والے ایک عمر رسیدہ شخص
نے دنیا کے مقبول ترین مشروب کوکا کولا سے بھرے تالاب میں اپنی پرانی گاڑی
Audi داخل کردی- اس وقت تالاب میں 12 ہزار لیٹر کوکا کولا موجود تھی جبکہ
عمر رسیدہ شخص نے یہ سب کچھ اپنی پرانی گاڑی سے زنگ اتارنے کے لیے ایک
تجربہ کے طور پر کیا-
|
|
|
73 سالہ عمر رسیدہ شخص جس کا نام ظاہر نہیں کیا گیا نے اس مضحکہ خیز تجربے
کے لیے 8700 ڈالر کی رقم خرچ کی- پہلے اس شخص نے اپنے فارم میں ایک دیوقامت
گڑھا کھودا اور اس کے بعد گڑھے میں موٹی پلاسٹک شیٹ بچھائی گئی- اس کے بعد
اس شیٹ کوک کی 2 لیٹر والی 6 ہزار بوتلیں انڈیلی گئیں-
گڑھے میں کوک داخل کیے جانے کے بعد اس میں 88 پونڈ بیکنگ سوڈا بھی شامل کیا
گیا جس سے ایک شاندار کیمیائی ردِ عمل سامنے آیا- اس کے بعد عمر رسیدہ شخص
اپنی زنگ آلود گاڑی چلاتا ہوا لایا اور کوک سے بھرے اس گڑھے میں داخل کردی
اور اس کا مقصد گاڑی پر لگا زنگ صاف کرنا تھا-
تاہم رفتار پر کنٹرول نہ رکھ سکنے کی وجہ سے گاڑی گڑھے میں داخل ہونے کے
بعد گڑھے کے سامنے والے حصے سے جا ٹکرائی اور بری طرح تباہ ہوگئی-
|
|
|
یہ تو واضح نہیں ہوسکا کہ واقعی کوک نے زنگ صاف کیا یا نہیں؟ لیکن اتنا
ضرور ہے کہ گاڑی کو گڑھے واپس باہر نکالنے کے لیے ایک ٹریکٹر کا استعمال
کرنا پڑا- |
|
|
|
|