|
اگر تعمیراتی سرگرمیوں کی بات کی جائے تو چین کا ریکارڈ
متاثر کن ہے، جہاں 1640 فٹ چوڑی ریڈیو ٹیلی اسکوپ سے لیکر 26 میل طویل پل
تک کی تعمیر کی جاچکی ہے۔ مگر نئی تعمیرات کے لیے جگہ کی ضرورت ہوتی ہے اور
مقامی رہائشیوں کو اس مقصد کے لیے اپنی جگہیں خالی کرنا پڑتی ہیں، مگر چین
میں اکثر افراد اپنے گھروں کو چھوڑنے سے انکار کردیتے ہیں کیونکہ ان کے
خیال میں زرتلافی بہت کم دی جارہی ہے۔ چین میں ترقیاتی منصوبوں کے درمیان
رہ جانے والی ان جگہوں کو ' نیل ہاﺅسز' کہا جاتا ہے کیونکہ وہ کسی کیل کی
طرح ابھرے ہوئے نظر آتے ہیں۔ یہاں ڈان نیوز کے توسط سے چند ایسے ہی نیل ہاﺅسز
کو دیکھیں جو آپ کو حیران کردیں گے۔
|
|
|
چین کے شہر گوانگزو میں نئے تعمیر ہونے والے برج کے درمیان کسی کیل کی طرح
موجود ایک پرانی رہائشی عمارت، جس کے مالک نے اسے فروخت کرنے سے انکار
کردیا تھا۔
|
|
|
چین کے نیم خودمختار خطے گوانگ ژئی زہوانگ میں ایک زیرتعمیر شاہراہ کے
درمیان بچ جانے والا گھر۔
|
|
|
ایک معمر جوڑے نے اپنا گھر گرانے کی اجازت دینے سے انکار کردیا تھا اور اب
صوبہ ژجیانگ میں واقع ان کے گاﺅں کی اس شاہراہ پر یہ گھر اکیلا کھڑا ہوا ہے۔
|
|
|
گوانگزو کے اس خالی میدان میں اپارٹمنٹ کمپلیکس تعمیر ہونا ہے مگر درمیان
میں موجود گھر کے مالک نے اپنے مکان کو فروخت کرنے سے انکار کردیا۔
|
|
|
انہوئی میں واقع کچھ حد تک منہدم اس نیل ہاﺅس کے مالک نے کم معاوضہ ملنے پر
اپنے گھر کو مکمل طور پر گرانے سے روک دیا۔
|
|
|
چینی میڈیا کے مطابق گوانگشی کی سڑک کے درمیان موجود اس گھر کے مالکان نے
زرتلافی کے اختلاف کے باعث حکومت کو مکان دینے سے انکار کردیا اور اب دونوں
جانب سڑک تعمیر ہوچکی ہے جبکہ یہ گھر وہیں پر کھڑا ہے۔
|
|
|
صوبہ ہونان کے ایک شاپنگ مال کے سامنے کھڑا واحد گھر جو کچھ عجیب سا لگتا
ہے۔
|
|
|
اس تصویر میں موجود عمارت کو فروخت کرنے سے انکار کردیا گیا تھا، جس کے بعد
وہاں رہنے والے بجلی اور پانی سے محروم ہوکر یہاں رہنے پر مجبور ہوگئے تھے۔
یہ عمارت ژجیانگ میں واقع ہے-
|
|
|
انہوئی کے علاقے ہیفی میں ایک نئی عمارت کی تعمیر میں
رکاوٹ بن جانے والا گھر، جس پر لگے بینر پر لکھا ہے کہ ہم حکومت سے ان
مجرموں کو سزا دینے کا مطالبہ کرتے ہیں جنھوں نے میرا گھر گرانے کی کوشش کی،
انہیں میری زمین واپس کرنی چاہیے۔
|
|
|
نانجنگ کے نواح میں واقع ایک نیل ہاﺅس، جس کو گرانے
کی ہر کوشش ناکام ہوگئی۔
|
|
|
جیسا کہ تصویر میں دیکھا جاسکتا ہے کہ چونگ چنگ میں
واقع اس اکیلے گھر کے ارگرد اپارٹمنٹس کی بلند و بالا عمارت کے لیے
کھدائی ہوچکی ہے۔
|
|
|
جزوی طور پر منہدم یہ گھر صوبہ ہوننان میں واقع ہے
اور تصویر میں آپ اس کے مالک کو پانی جمع کرتے ہوئے دیکھ سکتے ہیں،
کیونکہ اس گھر کو پانی اور بجلی کی فراہمی منقطع کی جاچکی ہے۔
|
|
|
تین منزلہ یہ نیل ہاﺅس ہینان میں نئی تعمیر ہونے
والی شاہراہ کے درمیان میں واقع ہے۔
|
|
|
| شنگھائی کے اس امیر علاقے میں کئی نیل ہاﺅسز ہیں جن
کے رہنے والوں نے فیصلہ کرلیا تھا کہ وہ کسی صورت اپنے گھروں کو نہیں
چھوڑیں گے۔ |