پاگل پن یا بہادری٬ بغیر پیراشوٹ ہزاروں فٹ کی بلندی سے چھلانگ

امریکی اسکائی ڈائیور لوک آکینز (Luke Aikins) نے ہزاروں میٹر کی بلندی سے بغیر کسی پیراشوٹ اور ونگ سوٹ کے خوفناک چھلانگ کر دنیا میں ایک نیا ریکارڈ قائم کردیا ہے- مسٹر لوک زمین پر لگائے گئے ایک بہت بڑے جال پر اترے- اس خوفناک چھلانگ کو فوکس ٹی وی نے براہ راست نشر بھی کیا-

مسٹر لوک فلموں کے لیے اسٹنٹ بھی کرتے ہیں نے اس خوفناک چھلانگ کے لیے کیلیفورنیا کی Simi نامی وادی میں ڈیڑھ سال تک پریکٹس کی ہے- انہوں نے یہ چھلانگ ہوائی جہاز کے ذریعے 7600 میٹر کی بلندی سے لگائی-

اس خوفناک چھلانگ کے لیے حفاظتی اقدامات کے طور پر نہ تو پیراشوٹ کا استعمال کیا گیا اور نہ ہی کسی قسم کے وِنگ سوٹ کا-

42 سالہ لوک اب تک 18 ہزار سے زائد اسکائی ڈائیونگ جمپس لگا چکے ہیں اور واشنگٹن میں اسکائی ڈائیونگ اسکول چلاتے ہیں-

اس تمام عرصے میں انہوں نے صرف 30 مواقعوں پر ایمرجنسی شوٹ استعمال کیا ہے- لوک ہوائی جہاز اور ہیلی کاپٹر پائلٹ بھی ہیں اور انہوں نے اپنی پہلی چھلانگ صرف 12 سال کی عمر میں لگائی تھی-

< Previous ناقابلِ یقین کیڑے اور حیرت انگیز خصوصیات NEXT > مردہ اژدھا کا زندہ ہونا اور ہمارا نفس