ملائيشیا میں ایک فنکار کو انسٹا گرام پر وزیراعظم کا
کارٹون بنا کر پوسٹ کرنے پر گرفتار کرلیا گیا ہے اور اب اس پر مقدمہ چلایا
جارہا ہے- 39 سالہ فہمی رضا نے یہ کارٹون ملائیشیا کے وزیراعظم نجیب رزاق
کی مبینہ کرپشن پر احتجاج کرتے ہوئے تخلیق کیا تھا-
|
|
گزشتہ سال وزیراعظم نجیب رزاق کی کرپشن کا اسکینڈل منظرِعام پر آیا تھا جس
کی وجہ ان کے ذاتی اکاؤنٹ میں موجود 673 ملین ڈالر کی بھاری رقم بنی تھی-
تاہم تحقیقاتی کمیٹی نے اپنی رپورٹ میں کہا تھا کہ مذکورہ رقم وزیراعظم کو
سعودی عرب کے بادشاہ نے تحفے میں دی ہے۔
دوسری جانب فنکار فہمی رضا کا اپنے اوپر بننے والے مقدمے کے بارے میں کہنا
ہے کہ ’’میں اس جرم کے خلاف لڑوں گا، یہ میرا حق ہے کہ میں کرپٹ حکمرانوں
پر اپنے فن کا ہتھیار استعمال کرتے ہوئے تنقید کروں۔‘‘
|
|
تاہم رضا پر ملک کے ملٹی میڈیا قوانین کی خلاف ورزی کرنے کا مقدمہ درج ہے
اور اگر یہ الزام ثابت ہو جاتا ہے تو انہیں ایک سال تک قید کی سزا ہو سکتی
ہے۔
|