ہارٹ اٹیک روکنے والی 10 غذائیں

قدرت نے متعدد ایسی غذائیں تخلیق کی ہیں جو ہماری صحت کو بھال رکھنے اور مختلف بیماریوں کی روک تھام میں مددگار ثابت ہوتی ہیں- انہی قدرتی غذاؤں میں سے چند ایسی بھی ہیں جو آپ کی شریانوں کو کھولنے اور دل کی صحت کو برقرار رکھنے کے لیے اپنا کردار ادا کرتی ہیں- انہی اہم غذاؤں کے بارے میں آج ہم آپ کو اپنے اس آرٹیکل میں بتائیں گے-
 

سبز چائے:
سبز چائے ہاضمے کے دوران کولیسٹرول کو جذب ہونے سے روکتی ہے- سبز چائے کے 1 سے 2 کپ پینے سے انسان خون کی شریانوں کی بندش سے محفوظ رہتا ہے- اس کے علاوہ سبز چائے میٹابولزم کو تیز کرنے٬ دل کی صحت کی بہتری اور وزن میں کمی کے لیے انتہائی مفید ثابت ہوتی ہے-

انار:
انار میں phytochemicals پایا جاتا ہے جو کہ اینٹی اوکسیڈنٹس خصوصیات کا حامل ہوتا ہے اور شریانوں کی تہہ کی حفاظت کرتا ہے- انار کا رس خون میں نائیٹرک اوکسائیڈ کی پیداوار میں اضافہ کرتا ہے جس سے شریانیں کھلی رہتی ہیں اور خون کا بہاؤ رواں رہتا ہے-

ہلدی:
ہلدی سوزش سے نہ صرف محفوظ رکھتی ہے بلکہ ایسی وجوہات جو سوزش کا باعث بنتی ہیں ان سے بھی بچاتی ہے- یہی وجہ ہے کہ ہلدی کے استعمال سے شریانیں بھی صحت مند رہتی ہیں- لہٰذا ہلدی کا استعمال ضرور کیجیے اس سے آپ کی شریانوں میں خون جمنے کے خطرات میں کمی واقع ہوتی ہیں اور شریانوں کے پردے جنہیں arterial walls کہتے ہیں نقصان سے محفوظ رہتے ہیں-

مگرناشپاتی:
اگر آپ اس پھل کا کچھ حصہ اپنے برگر یا سینڈوچ میں مایو کی جگہ استعمال کریں تو یہ خون میں پائی جانے والی چکنائی کی مقدار کو بہتر بناتا ہے- اس کے علاوہ اس پھل سے ایل ڈی ایل کولیسٹرول (برا کولیسٹرول) میں کمی واقع ہوتی ہے جبکہ ایچ ڈی ایل کولیسٹرول (اچھا کولیسٹرول) میں اضافہ ہوتا ہے-

شاخ گوبھی:
شاخ گوبھی میں بہت زیادہ وٹامن K پایا جاتا ہے جو کہ شریانوں کو نقصان پہنچانے سے روکتا ہے- اس کے علاوہ یہ وٹامن فائبر کو بڑھاتا ہے اور اس کی وجہ سے کولیسٹرول اور بلڈ پریشر میں کمی واقع ہوتی ہے-

مارچوب:
یہ قدرتی سبزی شریانوں کو صاف کرنے کے علاوہ دل کی صحت کو فروغ دیتی ہے- اس کے علاوہ خون کے لوتھڑے نہیں بننے دیتی اور ساتھ ہی بلڈ پریشر کو بھی نارمل رکھتی ہے- مارچوب میں بڑے پیمانے پر معدنیات٬ فائبر وٹامن سی٬ بی2 وٹامن٬ وٹامن کے٬ بی1 وٹامن اور ای وٹامن پایا جاتا ہے-

اسپائیرولینا:
اسپائیرو لینا ( Spirulina) ایک نیلے اور سبز رنگ کی الجی کی ایک قسم ہے جو انتہائی مؤثر انداز میں خون میں lipid کی سطح کو درست رکھتی ہے- اس کے علاوہ اس پودے میں پروٹین کی بھاری مقدار پائی جاتی ہے جس میں تمام قسم کے امینو ایسڈ پائے جاتے ہیں جو اچھی صحت کے لیے ضروری ہوتے ہیں- یہ بلڈ پریشر کو نارمل رکھتا ہے اور شریانوں کی پرتوں کو سکون پہنچاتا ہے- اس کے استعمال سے خون میں پائی جانے والی چربی بھی متوازن رہتی ہے-