|
کبھی کبھی کسی معذوری کے شکار افراد بھی ایسے حیرت انگیز
کارنامے سرانجام دے جاتے ہیں جس کا صحت مند افراد تصور بھی نہیں کرسکتے-
ایسا ہی ایک چونکا دینے والا کارنامہ حال ہی میں مائیکرو سوفٹ کے نابینا
مسلم انجنئیر ثاقب شیخ نے انجام دیا ہے-
|
|
|
لندن سے تعلق رکھنے والے ثاقب شیخ نے اپنے جیسے نابینا افراد کے لیے ایک
ایسی اپلیکیشن تیار کی ہے جو انہیں سامنے یا اردگرد دنیا میں موجود کسی بھی
فرد یا شے کے بارے میں درست معلومات مہیا کرنے کی صلاحیت رکھتی ہے-
یہ اپلیکشن اسمارٹ فون اور اسمارٹ گلاسز سے منسلک ہو کر اپنا کام سرانجام
دیتی ہے اور نابینا فرد کے کانوں میں لگے ہیڈ فون کے ذریعے اسے تمام تر
معلومات سے آگاہ کرتی رہتی ہے-
|
|
|
|
ثاقب شیخ کی اس SeeingAI اپلیکیشن کی کارکردگی کا مظاہرہ گزشتہ ماہ منعقد
ہونے والی مائیکروسوفٹ بلڈ کانفرنس 2016 کے دوران کیا گیا- تاہم ابھی اس
پروجیکٹ پر کام جاری ہے تاکہ اسے مزید بہتر انداز میں متعارف کروایا جاسکے-
تجرباتی طور پر اس اپلیکیشن کو ثاقب شیخ نے اپنے اوپر ہی استعمال کر کے
دکھایا- اس تجربے پر مبنی ویڈیو ثاقب شیخ کو مختلف مقامات اور مواقع پر اس
ایپ کا استعمال کرتے ہوئے دیکھا جاسکتا ہے وہ بھی ایسے انداز سے جیسے وہ
بینائی سے محروم ہی نہ ہوں-
ثاقب شیخ جو کہ صرف 7 سال کی عمر میں بینائی سے محروم ہوگئے تھے٬ کا کہنا
ہے کہ “ میں نے یہ ایپلیکیشن کمپیوٹر ٹیکنالوجی سے متاثر ہو کر تیار کی ہے“-
|
|
|
“ میں ایسی چیزوں کی ایجاد سے محبت رکھتا ہوں جو لوگوں کی زندگی میں بہتری
لا سکیں- اور میں جب یونیورسٹی میں تب سے ہی میرا ایک خواب تھا کہ میں کچھ
ایسا ایجاد کروں کہ جو آپ کو ہر لمحے آپ کے اردگرد کی دنیا سے باخبر رکھے“-
“ کچھ سال قبل تک یہ صرف ایک سائنسی کہانی تھی اور میں سوچ بھی نہیں سکتا
تھا کہ میں کبھی ایسا کر پاؤں گا لیکن جیسے جیسے مصنوعی ذہانت میں بہتری
اور تیزی آئی تو یہ سب میری حوصلہ افزائی کا باعث بنا اور مجھے سب ممکن
لگنے لگا کہ میں اپنے مقصد میں کامیاب ہو سکتا ہوں“-
|
|
|
تاہم مائیکرو سوفٹ کی جانب سے ابھی تک اس اپلیکیشن کو تجارتی بنیادوں پر
متعارف کروائے جانے کے حوالے سے کسی تاریخ کا اعلان نہیں کیا گیا- لیکن پھر
بھی ماہرین کا کہنا ہے کہ اگر مستقبل میں یہ ٹیکنالوجی آجاتی ہے تو یہ
بصارت سے محروم افراد کے لیے انتہائی سود مند ثابت ہوگی-
|
|
|