بچے کسی سے کم نہیں - ایسے حقائق جو حیران کردیں٬ حصہ دوئم

بچے اﷲ تعالیٰ کا تحفہ قرار دیے جاتے ہیں- اپنی معصومیت سے ہر کسی کا دل جیت لیتے ہیں- بچوں کے بارے میں چند دلچسپ حقائق کچھ عرصہ قبل شائع کیے تھے- آج کا آرٹیکل بھی اسی سلسلے کی ایک کڑی ہے- امید ہے کہ آپ یہ تمام حقائق ضرور پسند آئیں گے-
 

بیک وقت ہضم کرنا اور سانس لینا:
ماہرین کے مطابق بچے 7 ماہ کی عمر تک ایک ہی وقت میں باآسانی کھانا نگلنے اور سانس لینے کی صلاحیت رکھتے ہیں-

50 فیصد گلوکوز کا استعمال:
تحقیق سے یہ بات سامنے آئی ہے کہ بچے کا دماغ جسم میں موجود 50 فیصد گلوکوز استعمال کرتا ہے- شاید یہی وجہ ہے کہ اتنی زیادہ نیند آتی ہے-

بچوں کی 270 ہڈیاں:
پیدائش کے وقت نومولود بچے کے جسم میں 270 ہڈیاں موجود ہوتی ہیں جبکہ بڑوں میں ہڈیوں کی تعداد 206 ہوتی ہے- جیسے جیسے بچے بڑے ہوتے جاتے ہیں کھوپڑی کی چند ہڈیاں آپس میں گھل مل جاتی ہیں- یہی وجہ ہے کہ عمر کے ساتھ ساتھ ہڈیا جسم میں کم رہ جاتی ہیں-

نومولود بچوں کی آنکھیں:
جی ہاں آپ کو یہ جان کر ضرور حیرت ہوگی کہ نومولود بچوں کی آنکھوں کا سائز ان کے بالغ آنکھوں کے سائز کا 75 فیصد حصہ ہوتی ہیں-

نمک کا ذائقہ نہیں محسوس کرسکتے:
بچے 4 ماہ کی عمر تک نمک کا ذائقہ نہیں محسوس کرسکتے- اس تاخیر کی وجہ شاید یہ ہے کہ ان کے گردے سوڈیم کا استعمال 4 ماہ کی عمر کے بعد کرنا شروع کرتے ہیں-

کھلی آنکھوں سے سو سکتے ہیں:
بچے کھلی آنکھوں سے بھی سو سکتے ہیں اور یہ بات نومولود بچوں میں پائی جاتی ہے جبکہ یہ نقصان دہ نہیں ہوتی- میڈیکل میں اسے nocturnal lagophthalmos کہا جاتا ہے-

Click Here