دنیا کی سب سے چھوٹی بادشاہت کے بڑے قصے

آپ نے آج تک ایسی بادشاہتوں یا سلطنتوں تک بارے میں سنا ہوگا ہزاروں میل کے رقبے پر پھیلی ہوتی ہیں اور کئی ممالک پر محیط ہوتی ہیں لیکن آج ہم آپ کو ایک ایسی دلچسپ بادشاہت کے بارے میں بتائیں گے جو صرف ایک جزیرے پر قائم ہے لیکن حیران کن حقائق کی مالک ہے-

اٹلی کے سریدینیا نامی ساحل پر ایک ایسا کنگری دار پہاڑ نما جزیرہ موجود ہے جسے Tavolara کے نام سے جانا جاتا ہے- یہ جزیرہ 5 کلومیٹر طویل اور 1 کلومیٹر چوڑائی کا حامل ہے-
 

اس جزیرے کا ایک رخ اٹلی کے ساحل کی جانب سے ہے جبکہ دوسرا ایک ڈھلوان نما طویل راستہ ہے جو کہ ایک ریتیلے ساحل سے محلق ہے- دلچسپ بات یہ ہے کہ یہ جزیرے کا یہی حصہ رہائش کے قابل بھی ہے-

لیکن آپ کو یہ جان کر ضرور حیرانی ہوگی کہ یہاں گزشتہ 200 سالوں سے صرف Giuseppe Bertoleoni فیملی سے تعلق رکھنے والا خاندان ہی آباد ہے-
 

Giuseppe نامی شخص Genovese کا رہائشی تھا اور اس نے اس جزیرے پر اپنے خاندان کے ساتھ 1807 میں قدم رکھا- اس کے خاندان میں دو بیویاں اور بچے شامل تھے- Giuseppe کو دو بیویاں رکھنے کی وجہ سے اس جزیرے پر رہائش اختیار کرنا پڑی کیونکہ Genovese میں یہا عمل ایک جرم تھا-

جزیرے پر پہنچ کر Giuseppe نے خود کو یہاں کا بادشاہ قرار دے دیا اور تب سے آج تک اس جزیرے پر اسی خاندان کی حکمرانی ہے- ان خودساختہ حکمرانوں کے گزر بسر کا دارومدار ماہی گیری٬ زراعت اور سیاحوں کے لیے اپنی خدمات پیش کرنے پر ہے- اور اسی مقصد کے تحت یہاں دو ریسٹورنٹ بھی قائم کیے گئے ہیں-