ایس ایم ایس یا فون کالز کے ذریعے انعامی رقوم یا انعامی
اسکیم کا لالچ دیا جانا تو پاکستانی معاشرے میں بھی عام ہے لیکن ایک چینی
کاروباری شخص تو اس شکنجے میں پھنس کر اپنی تمام جمع پونجی لٹانے کے بعد
اپنی جان سے بھی ہاتھ دھو بیٹھا- مسٹر Xiong نے دھوکے کے بعد خود کو بینک
کے سامنے ہی پھانسی لگا لی-
|
|
چین کے مسٹر Xiong حال ہی میں اپنی تمام جمع پونجی 10ہزار یوآن لے کر چین
کے علاقے Xinxiang میں کاروبار شروع کرنے کے ارادے سے منتقل ہوئے تھے جہاں
انہوں نے اپنی تمام رقم مقامی بینک میں محفوظ کروادی-
تاہم چند روز قبل اس مسٹر Xiong کو ایک فون کال کے ذریعے انہیں انعامی رقم
جیتنے کی مبارکباد دی گئی اور انہیں کچھ رقم جمع کروانے کی ہدایت کی گئی جس
پر مسٹر Xiong نے انعامی رقم کے حصول کے لیے اپنا تمام جمع پونجی ہی دھوکے
بازوں کے اکاؤنٹ میں منتقل کردی-
مگر جب تک انہیں اس فراڈ کی حقیقت کا علم ہوا تب تک بہت دیر ہوچکی تھی-
متاثرہ شخص نے بینک اور پولیس دونوں کو ہی اس فراڈ کے حوالے سے مطلع کیا
تاہم دو دنوں کے چکروں کے باوجود دونوں اداروں نے کوئی کاروائی نہیں کی-
|
|
جس پر متاثرہ شخص نے دلبرداشتہ ہو کر بینک کے سامنے ہی صبح کے اوقات میں
پھانسی کے پھندے سے لٹک کر خودکشی کر لی-
|