|
اگر کوئی چیز جو انٹرنیٹ کی دنیا میں سب سے زیادہ پائی
جاتی ہے تو وہ ہیں جعلی یا نقلی تصاویر جن کی تعداد کا اندازہ لگانا بھی
ناممکن ہے- یہ جعلی تصاویر کچھ ایسے ماہرانہ انداز سے تیار کی جاتی ہیں کہ
دیکھنے والے کو بالکل حقیقی معلوم ہوتی ہیں اور یہ زیادہ تر مقبول سافٹ
وئیر فوٹو شاپ کا کمال ہوتا ہے- لیکن اسی انٹرنیٹ کی دنیا میں ایسی
حیرت انگیز تصاویر بھی موجود ہیں جو ہیں تو اصلی لیکن ہم ان کے حقیقی ہونے
پر یقین نہیں کرتے جبکہ یہ تصاویر فوٹو شاپ جیسے کسی ایڈیٹنگ کے سافٹ وئیر
سے بھی تیار نہیں کی گئی بلکہ یہ ایسے ماہر فوٹوگرافروں کا کمال ہیں جنہوں
نے یہ تصاویر کیمرے سے ایک مخصوص زاویے کے ساتھ کھینچی ہیں- ایسی ہی چند
حیرت انگیز تصاویر آج ہم آپ کو اس آرٹیکل میں دکھائیں گے اور بہت حد تک
ممکن ہے ان میں سے بعض تصاویر آپ کی نظر سے بھی گزری ہوں-
|
|
|
یقیناً زمین پر کھڑے ہو کر ایفل ٹاور کی بلندی کو چھونا ناممکن ہے- لیکن یہ
تصویر بھی جعلی نہیں ہے٬ جی ہاں یہ سب کیمرے کا کمال ہے اور ماہر فوٹو
گرافر نے یہ تصویر ایک خاص زاویے سے کھینچی ہے جس نے ایک چھوثی سی بچی کو
324 میٹر بلند و بالا ایفل ٹاور کے برابر لاکھڑا کیا ہے-
|
|
|
واقعی یہ تصویر دیکھنا ایک تکلیف دہ عمل ہے لیکن یہ تصویر بھی حقیقی ہے-
Julio Aparicio اسپین کے مقبول بُل فائٹر میں سے ایک تھے اور یہ حادثہ
انہیں اس کھیل کے دوران ہی پیش آیا- یہ تصویر مئی 2010 میں ہونے والے Saint
Isidro نامی فیسٹیول کی ہے- اگرچہ جولیو کو اس واقعہ کے بعد ایک نئی زندگی
مل گئی لیکن خوفناک جانور کو ضرور ہلاک کردیا گیا-
|
|
|
پہلی نظر میں یہ کسی mop کی تصویر معلوم ہوتی ہے لیکن یہ حقیقت میں ایک
ہنگری کتا ہے جسے Puli sheep dog کہا جاتا ہے- اس تصویر میں یہ کتا
Dortmund میں منعقد ہونے والے ایک ڈاگ شو کے دوران ایک ڈنڈے پر سے کود رہا
ہے- یہ انوکھی تصویر فرانک آگسٹن نے 24 اپریل 2008 کو کھینچی-
|
|
|
یہ بھی ایک حقیقی تصویر جو ایک افسوسناک واقعے پر مشتمل ہے- یہ افسوسناک
واقعہ میکسیکو کے علاقے Matamoros میں جون 2008 کو اس وقت پیش آیا جب شراب
کے نشے میں دھت ایک کار ڈرائیور نے مخالف سمت سے آنے والے سائیکل ریس میں
شامل سائیکل سواروں کو اڑا کر رکھ دیا- ریس ٹریک پر رونما ہونے والے اس
حادثے میں 10 سائیکل سوار زخمی جبکہ 1 ہلاک ہوا-
|
|
|
کیا آپ یقین کریں گے ایمسٹرڈیم کے رائل پیلس کے سامنے سے سائیکل پر سوار اس
لڑکی کی تصویر موبائل سے کھینچی گئی ہے اور اس میں کسی قسم کی کوئی ترمیم
نہیں کی گئی جبکہ ایسا معلوم ہوتا ہے کہ پانی میں اس کا عکس بھی ہے- یہ
حقیقی تصویر ہے جس کے کھینچنے میں نہ کوئی تکنیک استعمال کی گئی ہے اور نہ
ہی یہ فوٹو شاپ کا کمال ہے- اس تصویر کو میٹرو چیلنج میں “ فوٹو آف دا ڈے “
کے طور پر شامل کیا گیا تھا جبکہ میٹرو نیوز پیپر نے اس کا پرنٹ ورژن بھی
شائع کیا-
|
|
|
دل نما یہ جزیرہ دیکھنے میں مصنوعی یا انسان کی مہارت لگتا ہے لیکن حقیقت
میں یہ قدرتی طور پر ہی دل نما ہے اور حال ہی میں گوگل ارتھ کی مدد سے دنیا
کے سامنے آیا ہے- اس کروشیائی جزیرے کے اردگرد سنہری ریت پائی جاتی ہے اور
یہ Zadarski Kanal میں واقع ہے-
|
|
|
یہ پرکشش مقام بولیویا میں واقع ہے جسے Salar de Uyuni کے نام سے جانا جاتا
ہے اور آپ یہاں ایسی کئی حیرت انگیز تصاویر کھینچ سکتے ہیں- درحقیقت یہ بھی
صرف ایک ماہر فوٹوگرافر کا کمال ہے جس نے کیمرے کا استعمال ایک مخصوص تکنیک
سے کیا ہے-
|
|
|
یہ تصویر بھی انٹرنیٹ پر آپ نے اکثر دیکھی ہوگی لیکن یہ بھی ایک اصلی تصویر
ہے اور یہ دنیا کی سب سے بڑی کرسی ہے- دنیا کی یہ سب سے بڑی کرسی اٹلی کے
شہر مانزانو کے علاقے پیازا میں رکھی گئی ہے- اسے کرسیاں بنانے والوں کا
شہر بھی کہا جاتا ہے-
|
|
|
ایسا لگتا ہے کہ مشروب سے بھرے یہ گلاس اٹلی کے پیسا
ٹاور پر مہمانوں کی خدمت میں پیش کیے جارہے ہیں چونکہ پیسا ٹاور ایک جانب
جھکا ہوا ہے تو گلاسوں میں مشروب کا رخ بھی جھکاؤ کی جانب ہے- لیکن حقیقت
میں یہ بھی فوٹو گرافر کا کمال ہے جس نے میز کو جھکا کر ایک مخصوص زاویے کے
ساتھ یہ تصویر کھینچی ہے-
|
|
|
یہ کوئی دیوقامت بوتل نہیں ہے جیسا کہ تصویر کو
دیکھ کر محسوس ہورہا ہے بلکہ یہ بھی ایک ماہر فوٹوگرافر کے ہنر کا ہی
کمال ہے جس نے اپنا مقصد حاصل کرنے کے لیے ایک مخصوص زاویے سے یہ
بہترین تصویر کھینچی ہے-
|