|
سعودی عرب میں مناسک حج کی ادائیگی کا آغاز آج سے ہوچکا
ہے اور مختلف ممالک سے تعلق رکھنے والے لاکھوں فرزندانِ اسلام مکہ مکرمہ
پہنچ چکے ہیں- کل بروز 23 ستمبر 2015 کو حج کا رکنِ اعظم حج کا رکنِ اعظم
وقوف عرفات ادا کیا جائے گا اور یوں رواں سال 13 لاکھ 72 ہزار 148 افراد حج
کی سعادت حاصل کرسکیں گے-
|
|
|
|
اس سال پاکستان سے حج کی سعادت کے لیے مکہ مکرمہ جانے والے عازمینِ حج کی
تعداد ایک لاکھ 43 ہزار ہے جبکہ سب سے زیادہ حاجی انڈونشیا سے آئے ہیں جن
کی تعداد ایک لاکھ 68 ہزار 800 ہے۔
دنیا بھر سے آئے عازمینِ حج 9 ذی الحج (بدھ) کو حج کے رکن اعظم وقوف عرفات
کیلئے میدان عرفات پہنچ کر فریضہ حج ادا کریں گے- اور اس موقع پر متعدد
ہیلی کاپٹروں اور جہازوں کی مدد سے نگرانی بھی کی جائے گی-
تمام عازمینِ حج کو ہدایات جاری گئی ہیں کہ وہ حج کے دوران منہ پر ماسک کا
استعمال ضرور کریں جبکہ دوسری جانب سن اسٹروک کے مریضوں کی طبی امداد کے
لیے میدانِ عرفات کے النور اسپتال میں خصوصی سینٹر بھی قائم کیے گئے ہیں-
|
|
|
مشاعر مقدسہ میں گیس سلنڈر استعمال نہیں کیے جاسکیں گے اور اس حکومتی
پابندی کی خلاف ورزی کی صورت میں سخت سزاؤں کا سامنا کرنا پڑسکتا ہے- |