بھارتی دانشوروں کی کامیابیاں - پاکستان کے لیے لمحہ فکریہ

بھارتی سی ای اوز نے کامیابیوں کی تاریخ رقم کی:
کامیابی ان کے قدم چومتی ہے جو جدوجہد کرنے پر یقین رکھتے ہین- صلاحیتوں اور ذہانت کی کوئی سرحد نہیں ہوتی- یہ جملہ 43 سالہ بھارتی سندر پچائی پر بالکل ٹھیک بیٹھتا ہے جن کو حال ہی میں دنیا کی بڑی کمپنیوں میں سے ایک گوگل کا سی ای او نامزد کیا گیا ہے-اگر آپ یہ سوچ رہے ہیں کہ آخر انہیں کس وجہ سے اتنے بڑے عہدے سے نوازا گیا ہے تو پھر جان لیجیے کہ اس سب کی وجہ ان کی گوگل کی ترقی میں انتھک محنت اور لگن ہے- 11 سال کے قلیل عرصے میں سندر پچائی نے گوگل کروم کو دنیا کا سب سے طاقتور اور قابلِ اعتماد براؤزر بنا دیا اور یہی نہیں بلکہ کمپنی کے اینڈرائیڈ ڈویژن کی باگ دوڑ بھی سنبھالی اور بطورِ پروڈکٹ چیف اپنی صلاحیتوں کا لوہا منوایا-
 

متوسط طبقے سے تعلق رکھنے والے سندر پچائی نے عام سی زندگی گزاری- وہ دو کمروں کے اپارٹمنٹ میں قیام کرتے تھے- تاہم ٹیکنالوجی کے جنون نے ان کی بھارت کے بہترین تعلیمی اداروں میں پڑھنے کی حوصلہ افزائی کی- سندر کی کامیابیوں کی داستان کئی متوسط طبقے سے تعلق رکھنے والے بھارتیوں سے ملتی جلتی ہے جنہوں نے اپنی محنت اور جنون سے بھارت کے بہترین تعلیمی اداروں سے تعلیم حاصل کی اور پھر امریکہ یا یورپ میں اپنے شاندار کیریر کا آغاز کیا-

گوگل کے علاوہ مائیکرو سوقٹ٬ پیپسی کو٬ ماسٹر کارڈ٬ ایڈوب اور ہرمن جیسی بڑی کمپنیوں میں ایک چیز منفرد ہے اور وہ ہے بھارتی سی ای اوز-