دنیا کے سحرانگیز نظاروں کے حامل آبشار

جب دریا کے راستے میں نرم و سخت چٹانوں کی افقی تہیں یکے بعد دیگرے واقع ہوں نیز ان کی موٹائی بھی زیادہ نہ ہو تو دریا نرم چٹانوں کو پہلے کاٹ ڈالتا ہے۔ چنانچہ نرم و سخت چٹانوں کا سیڑھی دار سلسلہ وجود پذیر میں آتا ہے جس پر دریا کچھ دور بہتا، پھر کودتا اور پھر بہتا ہے۔ دریا کے اس طرح کے بہاؤ کو آبشیب کہتے ہیں۔ اگر چٹانوں کی موٹائی زیادہ ہو اور نرم چٹانیں کٹ جائیں اور سخت چٹانیں اپنی جگہ باقی رہیں تو پانی ایک چادر کی شکل میں بلندی سے گرتا ہے۔ اسے آبشار کہا جاتا ہے۔ ان آبشاروں کے بننے اور گرنے کے عمل سے انتہائی پرکشش٬ اور حیرت انگیز نظارے تخلیق ہوتے ہیں- چند ایسے ہی خوبصورت اور حسین نظارے آج اس آرٹیکل میں ملاحظہ کیجیے-

Wallaman نامی یہ آبشار آسٹریلیا میں واقع ہے- اسے آسٹریلیا کا بلند تر آبشار ہونے کا اعزاز ہے اور یہ آبشار 268 میٹر بلند ہے-

نیاگرا فال دنیا کا مشہور ترین آبشار ہے جو کہ کینیڈا اور امریکہ کی سرحد پر واقع ہے- یہ ایک بےحد وسیع آبشار ہے-

اس سحرانگیز مقام کو Thor’s Well کہا جاتا ہے- یہ مقام اوریگون کے ساحل پر واقع ہے جو کہ سمندری لہروں کے دباؤ کے باعث وجود میں آیا ہے-

Sutherland نامی یہ آبشار ایک انتہائی خوبصورت آبشار ہے جسے نیوزی لینڈ کے بلند ترین آبشار ہونے کا اعزاز حاصل ہے- اس آبشار کی بلندی 1904 فٹ ہے-

Hogenakkal نامی یہ پرکشش آبشار تامل ناڈو میں واقع ہے- اور اسے بھارت کا نیاگرا کہا جاتا ہے-

یہ ایک اور انتہائی حسین و جمیل آبشار ہے جو مختلف ٹکڑوں کی صورت میں بہتا ہے- یہ آبشار ویتنام اور چین کی سرحد پر واقع ہے-

اس آبشار کو Plitvice Lakes کے نام سے جانا جاتا ہے- اور اس کی انفرادیت اس کا مختلف حصوں میں بہنا اور خوبصورت رنگ کے پانی میں جاکر شامل ہوجانا ہے- یہ آبشار کروشیا میں واقع ہے-

Caracol نامی یہ آبشار جب بلندی سے بہتا ہے تو ایک حیرت انگیز منظر پیش کرتا ہے- یہ آبشار برازیل میں واقع ہے-

Gullfoss آبشار آئس لینڈ کا دوسرا خوبصورت آبشار ہے جو کہ انتہائی وسیع بھی ہے- اس آبشار کو دیکھنے سیاحوں کی ایک بڑی تعداد آتی ہے-

سجی کوٹ آبشار پاکستان کے شہر ایبٹ آباد کے علاقے حویلیاں میں واقع ہے- یہ آبشار ایک مقبول ترین سیاحتی مقام کا درجہ بھی رکھتا ہے-

یہ آبشار گیانا کے جنگلات میں واقع ہے اور اس کی بلندی 741 فٹ ہے- اس آبشار کو Kaieteur کے نام سے جانا جاتا ہے-

Iguazu نامی یہ آبشار بھی دنیا کا ایک مقبول ترین آبشار ہے جو کہ ارجنٹینا میں واقع ہے- دلچسپ بات یہ ہے کہ یہ آبشار 275 مختلف آبشاروں میں تقسیم ہے اور دو میل تک پھیلا ہوا ہے-

یہ انتہائی خوبصورت آبشار آئس لینڈ میں واقع ہے- کہا جاتا ہے کہ یہ آبشار پہلے بادشاہوں نے تخلیق کیا تھا اور انہوں نے آبشار کے پیچھے موجود غار میں اپنا خزانہ چھپایا تھا- اس آبشار کو Skogafoss کہا جاتا ہے-